juillet

venu dès le point du jour. Duquel lieu le Roy fist chevalier de sa propre main le conte d'Alencon ^ et plusieurs autres nobles hommes. Et là estoient les seigneurs de Bessay et de Gaucourt, qui exerçoient les offices des deux mareschaulx, c'estassavoir de Bouciquault et du seigneur de Longny. Et adoncques le Roy venu devant icelle ville en moult belle ordonnance, se loga premièrement dedens une abbaye de nonnes* au dehors d' icelle, et toutes ses gens se logèrent autour , et fut en brief terme du tout très puissamment avironnée. Laquelle ville siet en très haut lieu, sans y avoir fontaine ne ruissel courant, et si estoit la saison de Testé moult sèche, par quoy il falut que iceulx assègans en grande nécessité feussent contrains d'aler querre de l'eau qui cuert la rivière emprès Miraumont, en bouteilles, tonneaux et semblables vaisseaulx, portant en leur ost à chariotz, charètes et autrement au mieulz qu'ilz porent. Et ainsi pour là grande multitude de gens et de chevaulx qui estoient en l'ost furent plus contrains de soif que de famine. Pour quoy aucuns d'entre eulx s'advisèrent de commencer nouveaulx puis, et tant continuèrent que en brief eurent plus de cinquante puys, où ilz tiroient eaue clère en si grande habundance que tout l'ost en estoit abreuvé et tous les chevaulx, chascun pour quatre deniers. •

Or advint que ung certain jour le duc d'Acquitaine manda les capitaines estans en ladicte ville et chastel de Bapaumes, c'estassavoir Ferry de Hangest, messire