CHAPITRE GGXXVII
Comment Villeneufve le Roy fut prinse et eschelée. Le siège du Pont Saint-Esperit. La croisière que fist nostre Saint-Père le pape. Et autres matières.
En ces jours fut prinse et eschelée secrètement Villeneuve le Roy séant sur la rivière du Rosne* par aucuns des gens du duc de Bourgongne, dedens laquelle ville furent mors et prins plusieurs Daulphinois qui la tenoient.
Et adonc vint devers le roy Henry, le duc de Bethforth, son frère, à tout huit cens hommes d'armes et deux mille archers. Si furent receuz du roy et des autres frères en grant léesse, et aussi du duc de Bourgongne. Pour la venue duquel la puissance dudit roy d'Angleterre fut grandement renforcée.
Item, ce temps durant, Charles, duc de Touraine, Daulphin, à grant puissance passa les parties de Lan guedoc et ala mectre le siège devant le Pont-Saint Esperit sur le Rosne, dedens lequel estoient les gens du prince d'Orenge tenans la partie de Bourgongne, et là fist dresser plusieurs engins, et le y avoient envoie ceulx de la cité d'Avignon et de Prouvence pour icellui subjuguer. Et tant continua le siège que ladicte
i. C'est Viileneuve-lès-Avignon.
ville du Pont-Saint-Esperit lui fut rendue. Et pareillement se remirent en son obéissance la plus grant partie des villes et fortresses du Languedoc, qui aucun espace avoient tenu le parti du duc de Bourgongne par le moien dudit prince d'Orenge. Dedens lesquelles icellui Daulphin mist souffisantes garnisons et gouverneurs de par lui, et ce fait, s'en retourna à Bourges en Berry, et assembla de toutes pars grant puissance de gens d'armes en entencion de résister contre les efforcemens du roy d'Angleterre et du duc de Bourgongne, lesquelz il sçavoit estre preslz, comme dessus est dit, pour conquerre et subjuguer les villes et pays qui se ten oient à lui.
Item, en ce temps fut ordonné de par nostre Saint- Père le pape une croisière sur les Pragois *, de laquelle furent conducteurs l'arcevesque de Coulongne, l'évesque de Liège, l'arcevesque de Trêves, l'évesque de Maience, le conte Loys du Rin et plusieurs autres grans seigneurs de la haulte Alemaigne et des marches d'environ. Si entrèrent ou pays desdiz Pragois qui fut par eulx moult exillié, et prindrent ung fort chastel nommé Nansone et la forte ville de Caldes, avec aucunes autres. Toutesfoiz aucuns de ceulx qui estoient en ceste armée en assez grant nombre se départirent et retournèrent en leurs lieux, pour ce que les dessusdiz capitaines usoient de trop grant convoitise.
En oultre, le cardinal de Bar et avec lui René d'Anjou, son nepveu, filz de sa seur et du roy Loys derre-
1 . Il s'agit ici de la guerre des Hussites. Martin V prêcha la croisade contre eux. L'empereur Sigismond les assiégea dans Pragues , mais Jean Ziscka, leur chef, le battit complètement le ii juillet 1420, et lit lever le siège.
[1420] D'ENGUERKAN DE MONSTllELET. 409
nier trespassé , lequel René icellui cardinal avoit jà déclairé son héritier de la ducbié de Bar et lui avoit donné à joyr présentement sa marquisie du Pont, fist asséger puissamment la ville et chastel de Ligni en Barrois, chef d'icelli conté, pour tant que le duc Jehan de Bourgongne n'avoit point fait les devoirs de relever par son nepveu , le jeune conte de Saint- Pol , duquel il avoit eu le bail et gouvernement , ne pareillement le duc Jehan de Brabant, frère dudit conte. Et ceulx de ladicte ville de Ligni estoient de long temps amans et favorisans la partie de Bourgongne , et le cardinal et tous ses pays estoient de la partie opposite. Néantmoins, après que ledit siège eut duré certain espace de temps, ceulx de ladicte ville firent obéissance à icellui cardinal, lequel y mist officiers et gouverneurs de par lui. Mais tost après , par aucuns moiens fais entre les parties, ledit jeune conte de Saint-Fol fut restitué en sadicte ville fortresse et conté , et y furent de rechef mis et establis gens de par lui.
