CHAPITRE GXXIV

Comment ceux de la ville d'Arras se fortifièrent à grand puissance , et ! ardirent et démolirent plusieurs notables édifices hors de leur ville '.

Item, ceulx de la ville d'Arras, qui de jour en jour estoient actendans d'estre asségez de toute la puissance du roy de France, faisoient grans prëparacions pour résister et eulx défendre contre tous leurs adversaires; c'estassavoir de faire boulevers au dehors de toutes leurs portes, de gros chesnes plantez en terre par grant maitrise, et aussi de barrières et fossez en plusieurs et divers lieux, afin qu'on ne les peust approucher» Dedens lesquelz boulevers et sur les tours et murailles, constituèrent et assirent tout entour de leurdicte ville et pareillement de la cité , plusieurs gros canons, vulgloires et autres habillemens de guerre , pour grever leurs ennemis. Dedens laquelle ville estoient , comme dessus est dit, raessire Jehan de Luxembourg capitaine général , acompaigné de plusieurs capitaines et autres notables et vaillans hommes de guerre dont dessus est faicte mencion , lesquelz furent tousjours assez unis et bien d'accord les ungs avec les autres. Si se conclurent tous ensemble d'actendre le siège et toute la puissance du Roy, et des princes estans avecques lui. Et pour tant , après icelles conclusions , ledit de Luxembourg fist publier au son de la trompecte, que tous bourgois et habitans de la ville et autres, de quelque estât qu'ilz feussent, qui avoient leurs femmes,