L'intitulé de ce chapitre est pris sur l'édit. de 1S

fîlz et filles avec aucuns de leurs biens meubles, réservé vivres, les menassent et conduisissent partout où il leur plairoit, es pays, villes et fortresses du duc de Bourgongne , et avecques ce que tous les habitans et gens de guerre se pourveussent de vivres chascun pour quatre mois, ou qu'ilz vuidassent la ville. Après lesquelles publicacions plusieurs bourgois et habitans d'icelle ville menèrent leurs femmes, enFans et aucuns de leurs biens, es villes de Douay, de Béthune , de Lisle , de Aire , et autres lieux où bon leur sembla.

En oultre lesdiz capitaines firent abatre et démolir plusieurs notables églises, maisons et édifices, tout autour de ladicte ville , c'estassavoir l'abbaye de La Tieuloye, l'église des Cordeliers, celle des Jacobins et aucunes autres. Et pareillement à l'autre costé vers Baudimont et vers la cité , furent ars et démolis tous les faulxbourgs, où il y avoit très grant circuit et habitacions de très notables édifices , tant hosteleries comme autres lieux, qui tous furent ars et destruis à la confusion et dommage des habitans d'iceulx faulxbourgs.