Pour passer oultre » (ibid
de vouloir vendre ledit chastel , et pour ceste cause fut retenu prisonnier et ses biens confisquez. Toutesfoiz, ledit siège durant, fut ladicte fortresse bien gardée par lesdiz chevaliers, tousjours en l'obéissance dudit duc de Bourgongne , non obstant que les gens du Roy raeissent grant peine à icelle conquerre. Et tant qu'est à parler des courses et des chevauchées que firent les gens du Roy ou pays d'Artois et de Ternois et à l'environ , ledit siège durant , il seroit long à réciter chascune à part soy. Mais entre les autres ung des bastards de Bourbon * et aucuns autres capitaines, acompaignez de mil combatans ou environ , alèrent fourrager la conté de Saint-Pol , en laquelle ilz prindrent et ravirent biens sans nombre , c'estassavoir puissant chevaulx , vaches , brebis et plusieurs autres choses, et mesmement furent autour de la ville de Saint-Pol , en laquelle estoit le conte de Waleran soy disant encores connestable , et sa femme la contesse, seur au duc de Bar*. Auquel Waleran iceulx disoienl par plusieurs foiz moult de reprouches, disant qu'il feignoit soy estre malade afin qu'il n'alast servir le Roy son souverain seigneur, en lui démonstrant qu'il avoit grande affection au duc de Bourgongne, actendu que pour le servir il avoit envoyé messire Jehan de Lucembourg, son nepveu, et la plus grant partie de ses gens. Néantmoins ledit conte Waleran , oyant ces paroles et plusieurs aultres , ne voult onques souffrir que ses gens saillissent à l'encontre d'iceulx, pour
1. Sic dans Suppl. fr. 93. Louis II, duc de Bourbon, laissa trois fils naturels , Hector, Jean et Perceval.
2. Bonne de Bar, seconde femme de Waleran de Luxembourg^ comte de Saint-Pol.
double que le Roy et son conseil n'en feussent mal contens. Mais pour tant ne laissèrent point les François qu'ilz ne boutassent les feuz et ardirent grant partie des faulxbourgs de ladicte ville de Saint-Pol, et après s'en retournèrent à tout leur proye en l'ost du Roy, devant Arras. Et depuis, ung autre jour, s'assemblèrent mieulx de douze cens combatans, lesquelz chevaucbèrent par devers Luceu^ tout destruisant pays jusques devant la ville de Hesdin , où ilz firent moult de dommages. Mais ceulx de la garnison de ladicte ville de Hesdin et d'autres places tenans la parti du duc de Bourgongne , les poursuivirent bien et roidement, et rescouyrent aucuns prisonniers, et aussi prindrent aucuns d'iceulx. Ainsi et par plusieurs foiz firent les gens du Roy courses es pays dudit duc de Bourgongne, dont le povre peuple fut moult traveillé et molesté. En oultre les gens d'icellui duc de Bourgongne estans en ses bonnes villes et forteresses, c'estassavoir à Douay, à Lens , à Hesdin et à Maiseroles^, assoient de jour en jour en mectant agais sur ceulx de l'ost qui aloient au fourrage, et aussi sur ceulx quimenoient vivres en l'ost du Roy, comme d'Amiens, de Corbie, de Péronne et d'autres lieux, lesquelz souvent ilz destruisoient , occioient et prenoient prisonniers. Et par espècial, Hector de Saveuses, lors très renommé en armes, assembla de deux à trois cens combatans dessoubz son estandart , lesquelz par plusieurs foiz il mena secrètement en aulcuns lieux contre les gens du Roy, dont il acquist renommée très grande,
