Louis II, duc d'Anjou, roi de Sicile

ner de ce. Par quoy de ce , se excusèrent envers le duc.

Item , à l'entrée du moys de septembre le Roy, lui partant de Senlis, ala à Saint-Denis , où il fut jusques au XIV* jour dudit moys, et lors il retourna à Paris en son hostel de Saint-Pol, et son filz le duc d'Acquitaine avecques lui. Avecques le Roy estoient les ducs d'Orléans, de Bourbon , de Bar, et Loys duc en Bavière , les contes de Vertus et d'Alençon , de Richemont , d'Eu, d'Armignac , de La Marche , de Vendosme, de Marie , de Dampmartin et aucuns autres prélats , barons , chevaliers et autres , sans nombre. A l'encontre duquel Roy vindrent de Paris le duc de Berry, son oncle, les gens des chambres de parlement et des comptes , les prévostz de Paris et des marchans et les eschevins, bourgois et habitans de Paris sans nombre,, crians Noël pour la joye du retour du Roy en Paris , faisans grans feux par les rues et quarrefours de toute la cité ledit jour et la nuit ensuivant , entendans à boire et à menger, et crians l'un à l'autre : Vive le Roy ! vive le Roy et son filz le haut duc d'Acquitaine *.