CHAPITRE CXXXIII

Comment le conte de Warvlch et autres Anglois alèrent au concile de Constance. — Et du service que le Roy fîst faire pour son frère le duc d'Orléans.

En ces jours, le conte de Varvicb, anglois, trois évesques, quatre abbez et plusieurs autres chevaliers et clercs docteurs en théologie et en décret, jusques au nombre de huit vingts, vindrentpar Flandres à Calais, alans au concile de Coustance de par le roy d'Angleterre et de sondit royaume et de l'université d'Apoine*, en moult noble appareil. Lesquelz furent moult joieusenient reçeuz du pape et du concile et du nouvel roy d'Alemaigne et de Hongrie, lieutenant fermement comme advocat de l'église romaine^ A la coronacion duquel, comme dessus est faicte mention, furent présens ledit conte, évesques et ambassadeurs dudit roy d'Angleterre.

En oultre, pour ce que le jour approuchait que la dame de Haynau, son frère le duc de Brabant, et les députez de par les trois estas de Frandres dévoient aler à Senlis pour accomplir le traictié de la paix du duc de