Axoine » {Supp. fr. 93 ). C'est l'Université d'Oxford

2. IjQ Suppl. fr. 93 met mieux : « Tenans lui fermement comme advocat de l'Eglise Romaine » ( fol. 223 verso, col. A).

Bourgongne leur frère avecques le roy, et pour ce que le conseil du roy estoit encores moult empeschié pour autres certaines besongnes souveraines , Loys, duc en Bavière, messire Colart de Colvile* et aucuns autres ambassadeurs dudit roy, furent envoiez devers ledit duc de Brabant et la dame de Haynnau pour alonguer ledit jour.

En oultre, le samedi ensuivant, qui fut la veille des Trois Roys, le roy de France fist faire solennellement en grande multitude de cierges et de torches, l'obsèque et service du dèfunct Loys, jadis duc d'Orléans, son frère, en l'église cathédrale de Nostre-Dame de Paris, qui encore n'avoit point été fait, présens le duc d'Orléans et le conte de Vertus, les ducs de Berry, de Bourbon, d'Alençon et Loys, duc en Bavière, les contes de Richemont, de La Marche et d'Eu et plusieurs autres, tous vestus de noir, excepté le duc d'Acquitaine, le filz du Roy, qui s'estoit parti le jour de devant pour aller veoir sa mère la Royne et sa seur la duchesse de Bretaigne, à Meleun. Auquel service prescha le chancelier de la dicte église de Nostre Dame de Paris, nommé maistre Jehan Gerson , docteur en théologie moult "renommé , si parfondement et haultement que plusieurs docteurs en théologie et autres s'en esmerveillèrent, en recommandant icellui duc défunct et disant que le gouvernement de ce royaume par lui administré en son vivant estoit meilleur que cellui qui a esté depuis. Ouquel sermon il sembloit qu'il voulsist plus esmouvoir la guerre que l'appaiser contre le duc de Bourgongne et à sa destruction, mais icellui devoit