Calville » (Suppl. fr. 93). Et mieux

estre humilié afin qu'il recongneust son péchié en faisant digne satisfacion et par conséquent la salvacion de son âme. En oultre que l'exécucion faicte ou quaresme derrenier passé devant la porte de ceste église de la proposicion maistre Jehan Petit jadis par lui proposée ou pays de France pour ledit duc de Bourgongne contre le duc d'Orléans défunct, comme mauvaise et faulse, avoit esté bien faicte et que encores n'en avoit on pas tant fait comme il appartenoit. Et comme il dist, il estoit prest et appareillé de ce soustenir par tout et contre tous . Le Roy adonc estoit en ung oratoire emprès l'autel au costé dextre , non vestu de noir. Après lui estoit le duc d'Orléans devant tous, pour la cause dudit service de son feu père , puis le duc de Berry, le conte de Vertus et plusieurs autres princes , tous par ordonnance assis, escoutans ledit sermon. Là estoient deux cardinaulx , c'estassavoir les arcevesques de Reims et de Pise, et plusieurs évesques et si grande multitude de clergié, de chevalerie et du peuple, qu'à peine les povoit l'église comprendre. Après lequel sermon lesdiz ducs d'Orléans et de Berry et le conte de Vertus recommandèrent au Roy ledit prescheur. Et le lundi ensuivant le Roy fist faire ung pareil service pour ledit duc d'Orléans son frère défunct, en la chappelle des Célestins de Paris , en laquelle il fut enterré, en la présence des dessus nommez. Et prescha oudit lieu maistre Jehan Courtecuisse, docteur en théologie, en ensuivant le propos de maistre Jehan Gerson. Et pareillement ledit Roy fist faire encores un pareil service comme dessus, vigiles, commendaces * et messe,