CHAPITRE CXXXIV

Comment le Roy et son grant conseil envolèrent gens d'armes pour destrousser les gens du duc de Bourgongne. Et plusieurs autres choses ensuivans qui advindrent en ce temps.

Or est vérité que après la destruction du chastel de Tonftoirre* dessus dit, plusieurs hommes d'armes et gens de traict qui avoient esté à ladicte destruction , se tenoient ensemble par manière de compaignes, bien sept mille chevaulx, et en plusieurs lieux, et faisoient moult de maulx es pays du Roy, tant en l'Auxerrois comme ailleurs. Pourquoy fust ordonné par le Roy et son conseil , le seigneur de Gaucourt, messire Gasselin du Bois et plusieurs autres pour iceulx combatre et subjuguer. Lesquelz gens de campaignes furent poursuys par les dessusdiz moult vigoreusement , et enfin y en eut de deux à trois cents mors et prins. Lesquelz prins furent menez à Paris et mis en Chastellet, et depuis en y eut d'exécutez. Mais paravant le Roy paia leur raençon à ceulx qui pris les avoient. Et estoient conducteurs des dessus dictes compaignes, Hélion de Jacqueville , Fierbourch et aucuns autres , lesquelz sachant l'assemblée des gens du Roy venans sur eux, se retrahirent vers le pays de Bourgongne.

Après ce , messire Johannot de Poix , nepveu de messire Jaques de Chastillon seigneur de Dampierre