Le comte de Dorset

Dinelmes et de Norvegue et plusieurs autres, jusques au nombre de six cent chevaulx ou environ, tous ambaxadeurs pour traicter le mariage de la fille du roy de France et dudit roy d'Angleterre. Lesquelz ambaxadeurs venus audit lieu de Paris furent logez en l'ostel du Temple , eulx maintenans si pompeusement , tant en chevauchant parmi la ville comme en leurs autres afaires , que les François et les Parisiens en avoient grans merveilles. En après , le x* jour de février, le Roy fist une notable feste dedens Paris en boires , mengers , joustes , danses et autres esbatemens, à laquelle feste furent lesdiz ambaxadeurs d'Angleterre, et jousta le Roy ce jour contre le duc d'Alençon qui nouvellement avoit esté fait duc par le Roy dessusdit. Et le duc de Brabant jousta pareillement contre le duc d'Orléans, moult cordialement. Et dura ladicte feste par trois jours. En laquelle les seigneurs du sang se maintiendrent l'un avecques l'autre moult doulcement et honnorablement. Auxquelles joustes estoient pour les regarder la royne de France , la duchesse d'Acquitaine et plusieurs autres nobles dames et damoiselles.

Et oultre , le xxiiii* jour du mois de février, après ce que plusieurs parlemens eurent esté fais par le grant conseil du Roy avec le duc de Brabant, la dame de ttaynnau et autres des gens du duc de Bourgongne , tant à Senlis comme à Paris, la paix fut criée et publiée au son de la trompeté selon le contenu des lectres royaulx , desquelles je me tais à présent à cause de briesté', et aussi pour tant que j'ay fait mencion cy-