CHAPITRE GXXXVIII
Gomment ceulx de la ville d'Amiens furent assemblez pour jurer et entretenir la paix qui fut faicte devant Arras.
Au commencement de cest an , ceulx de la ville d'Amiens escrivirent telles lectres :
« Le Maieur, Esclievins et Communaulté d'Amiens. Faisons savoir que le xviii" jour du moys d'avril, l'an mil quatre cens et quinze , par le commandement de maistre Jehan de Vailly, président en parlement, commissaire en ceste partie du Roy nostre sire, Nous et tout le peuple d'icelle ville d'Amiens, convoquez et appeliez d'ostel en ostel (sic) el au son de la cloche , à comparoir en la place du marchié de ladicte ville , et présent nous et toute la communaulté ou la plus grant et plus saine partie de ladicte ville , icellui président fist lire et publier certaines lectres royaulx dont la teneur estoit telle : « Charles par la grâce de Dieu roy de France, etc. » Lesquelles lectres leues et publiées. Nous et tout le peuple assemblez audit lieu, fismes, jurasmes et promeismes sur la croix et sainctes évangiles de Dieu , et encores par ces présentes jurons et promectons les seremens contenus et déclairez es lectres dessus escriptes, tenir et garder ladicte paix et le .contenu de ladicte ordonnance, à nostre loyal povoir, en tant qu'il nous touche , tout ainsi et par la forme nx S
et manière que le Roy nostre sire par sesdictes lectres l'a voulu ordonner et commander. En tesmoing de ce nous avons mis et pendu à ces présentes le séel de ladicte communaulté d'icelle ville d'Amiens. Donné l'an et le jour dessusdiz. »
Et sur la substance desdictes lectres furent lectres faictes et par deux notaires apostoliques, qui certifioient ladicte ordonnance avoir esté publiée et les coléges avoir esté assemblez ou chapitre de Nostre- Dame d'Amiens, c'estassavoir telz et telz. Et furent lectres séellées du séel de l'évesque d'Amiens, du séel du chapitre et des seaulx des autres collèges. Lesquelles lectres furent baillées ou bailli d'Amiens, à porter à Paris à maistre Estienne de Mauregard, garde des Chartres du Roy dessusnommé. Et avec ce, ledit bailli fist publier es mètes de son bailliage, hormis les terres du duc de Bourgongne, ladicte ordonnance, esquelx lieux le mandement du Roy avoit esté publié et exécuté, et fist faire les seremens contenus en ladicte ordonnance par les gens de tous estats en chascune chastellenie de sondit bailliage , et de ce fist faire lectres séellées du séel royal et du séel des prélats, collèges, nobles à bannière ou chevaliers notables, et des bonnes villes, et en icelles paroles estoit icellui mesme bailli. Et ainsi fut fait adonc par tous les bailliages et séneschauciés de tout le royaume , et furent ladicte paix et ordonnance proclamées et publiées en tous les lieux acoustumez à faire proclamacions et publicacions. Et après ce , par lesdiz commissaires furent demandées lectres du clergié , nobles et bonnes villes, et portées à Paris comme dessus est déclairé des autres.
