Voy. plus haut, p

2. Juvénal dit que c'était une des filles d'honneur de la Reine, fille de messire Guillaume Cassinel , et qu'on nommait pour cela La Cassinelle (^Ch. FI de God., p. 275).

nant son yre en soy mesme, dist que sur toutes choses il auroit conseil et manderoit dedens brief terme à leur maistre et seigneur sa voulenté par ses légaulx*. Et ainsi retournèrent lesdiz ambaxadeurs en Bourgongne. Et après ce , ledit duc d'Acquitaine eut délibéracion du grant conseil du Roy* sur la péticion et requeste dudit duc de Bourgongne , auquel en Bourgongne, furent envoiez de par le Roy, sire Guiscbard Daulphin , le seigneur de Vielpont , chevaliers, et maistre Jehan de Vaily, président. Lesquelz le trouvèrent à Digon et traictèrent tant avecques lui , qu'il jura ladicte paix comme les autres avoient fait, et de son serement apportèrent lectres et sèellées, lesquelles furent baillées à maistre Estienne de Mauregard comme les autres.

Toutesfoiz ledit duc de Bourgongne tenoit grant multitude de gens d'armes et de traict en la duchié et conté de Bourgongne et autres lieux voisins , qui mengeoient et gastoient moult de biens; et ce, pour le garder et défendre s'il estoit besoing.

Et le xxiii® jour du mois de juillet, ces cinq cens personnes contenues es lectres du Roy faictes de la paix du duc de Bourgongne et des autres princes du sang royal, furent bannyes hors du royaume de France au son de la trompeté, en la présence des ambaxadeurs dudit duc de Bourgongne pour lors estans à Paris.