CHAPITRE GXLII

Comment le roy Henry d'Angleterre fist grans préparatoires pour passet mer et venir en France.

Or, convient retourner à Testât et gouvernement de Henry, roy d'Angleterre, lequel, pour parfurnir son entreprinse et venir en France, comme dit est ailleurs, faisoit de grans préparacions tant de gens comme de habillemens de guerre, et tout faisoit tirer vers le passage de la mer auprès de Hantonne*. Et après, le deuxiesme jour d'aoust que les trêves furent expirées entre les deux royaumes de France et d'Angleterre, les Anglois de Calais et des autres lieux de la frontière commencèrent à courir et gaster la frontière du pays de Boulenois en divers lieux. Pour auxquelz résister furent envolez de par le roy de France le seigneur de Rambures, maistre des arbalestriers de France, et le seigneur de Louroy , à tout cinq cens combatans , pour défendre le pays dessusdit. Et tantost après, le Roy Henry dessusdit, qui avoit ses besongnes assez prestes pour passer en France, envoya un sien hérault nommé Excestre, à Paris, devers le roy de France, lui présenter unes lectres desquelles la teneur s'ensuit :

« A très noble prince Charles, nostre cousin, adversaire de Erance, Henry, par la grâce de Dieu roy d'Angleterre et de France. A bailler à chascun ce qui est sien est œuvre de inspiracion et de sage conseil. Très noble prince, cousin et nostre adversaire , jadis les nobles royaumes d'Angleterre et de France estoient