Maumez » (IbicL

autres noz lectres nous vous eussions mandé faire commandement par proclamacions et publicacions par toutvostre bailliage à tous nobles et autres aians puissance et coustume de ceulx armer et à tous autres gens de guerre et de traict demourans en vostredit bailliage et es mètes d'icellui, qu'ilz feussent appareillez et venissent hastivement devers nous et nostre trèscher et trèsamé filz le duc d'Acquitaine , nostre lieutenant et capitaine général. Car jà pieçà que nous partismes et entreprismes d'aler contre nostre adversaire d'Angleterre, qui adonc estoit descendu à moult grant puissance de gens d'armes et de traict en nostre pays de Normandie et avec lui maint habillement de guerre. Ouquel pays après il se tindrent au siège devant nostre ville de Harfleu , laquelle par négligence ou retardement que vous et autres avez fait de exécuter nosdictes lectres et par défaulte de secours et aide , il convint que noz nobles et bons et loyaulx subgetz estans en icelle, non obstant très grant et notable défense qu'ilz firent , et que plus ne povoient résister à l'oppression et à la force de nosdiz ennemis , rendirent à iceulx la ville par violence. Et pour ce qu'il touche à chascun de nos subgetz la conservation et défense de nostre dominacion, Nous, qui avons délibéré et du tout conclud de ravoir et recouvrer par puissance nostredicte ville et de combatre et débouter de nostredit royaume nostredit adversaire et sa puissance , à sa grant confusion, à l'aide de Dieu et de la benoiste Vierge Marie et de noz bons vrais et loyaulx subgetz, parens et amis, vassaulx et allez, desquelz de présent nous requérons l'aide et secours , vous mandons et le plus expressément que faire le povons commandons en comectant

par ces présentes sur la foy et loyaulté que nous devez et sur tout ce que vous povez forfaire envers nous de rechef, que, incontinent ces présentes veues, vous faciez commandement à tous autres de vostre bailliage, à leurs personnes ou à leurs hostelz et domiciles, et à toutes gens qui ont acoustumé d'eulx armer, par proclamacions solennelles es bonnes villes et autres lieux esquelz en vostre bailliage on a acoustumé de faire proclamacions , tant et si souvent que nul n'y puist prétendre ignorance , que sur peine d'estre réputé pour inobédient et de forfaire corps et biens , iceulx incontinent après lesdictes proclamacions, publicacions et comman démens, viengnent, armez et habillez souffisaument chascun selon sa puissance, devers nous et nostredit filz , et à ce faire vous les contraignez par la caption de leurs biens et de leur corps, en mectant en leurs maisons mengeurs à leurs despens, et par toutes autres voies et manières qu'en tel cas est acoustumé de estre fait, pour nous aider à combatre nostre dit adversaire et sa puissance et bouter hors de nostredit royaume à sa grant confusion, comme dit est. Néantmoins ces choses signifiées aux bourgois ethabitans des bonnes villes de vostredit bailliage en commandant et requérant à iceulx de par nous, que tous les engins, canons et artilleries qu'ilz ont et dont maintenant ilz n'ont point besoing , ilz , sans délay, envoient pour nous aider en ce que dit est, lesquelz nous leur ferons rendre et restituer. Et en ce vous, procédez par telle et si grande diligence que par vous plus nulz inconvéniens puissent ensuyr à nous ne à nostre dominacion et subgetz, sachans que se aucunes choses par vostre défaulte s'en ensuivoient, nous de

ce VOUS ferions si griefment punir que ce seroit exemple à tous autres. Mandons et commandons à tous noz justiciers, officiers et subgetz, qu'à vous, voz commis et députez en ceste partie obéissent et entendent diligemment. Et de la récepcion de ces présentes renvoiez certificacion à noz amez et féaulx les gens de noz comptes à Paris, pour valoir en temps et en lieu. Donné à Meulant, le xx* jour du mois de septembre, Fan de grâce mil mi*^ et quinze , et de nostre règne le