CHAPITRE LVII

Comment les seigneurs du sang royal vouldrent réformer ceulx qui avoient gouverné les finances du Roy. Et de la mort de Montagu, grant-maistre d'ostel.

En ces propres jours , les seigneurs du sang royal estans à Paris, c'estassavoir le roy Loys de Cécile, les ducs de Berry, de Bourgongne et de Bourbon, avec plusieurs autres grans seigneurs , sacbans et eulx bien informez que le roy Charles de France estoit tout apovry de ses finances par ses officiers et gouverneurs , et mesment que sa vaisselle et la plus grant partie de ses joyaulx estoient tous engagez, exposèrent à un certain jour à la personne du Boy, Testât et gouvernement meschant et povre qui estoit en son hostel et en ses officiers , présens la Roy ne , le duc d'Acquitaine et autres du grant conseil , requérans qu'il feust content que aucuns d'eulx peussent avoir puissance de réformer tous ceulx généraliiient qui depuis le commencement de son règne avoient eu le gouvernement de ses dictes finances et de ses offices, sans nulz excepter, et qu'ilz peussent iceulx destituer, corriger, punir etcondemner selon le cas qu'ilz auroient mesfait. Laquelle requeste leur fut par le Boy accordée \ Et pour y