B. ANDROUET DUCERCEAU

bonne dilligence en Tart d'architecture, à icelluy, pour ces causes et autres bonnes considérations, avons, en vertu de notre pouvoir, donné et octroyé, donnons et octroyons par ces présentes l'estat et office d'Architecte et Superintendant ordonnateur de la despence des Bastimens du Roy, que naguères souloit tenir et exercer Baptiste Androet de Cerceau, vaccant à présent par son trespas, pour ledit estât et office avoir, tenir et doresnavant exercer, en joyr et user par ledit Byart, aux honneurs, auctoritez, prérogatives, prééminences, franchises, libertez, gaiges, droictz, fruictz, proffictz, . revenuz et esmolumens audit office appartenantz, telz et semblables et tout ainsy et en la mesme forme qu'en a joy ou deub joyr ledit de Cerceau, Si prions, et néantmoings, en vertu de nostre dit pouvoir, mandons à Messieurs des Comptes, Présidentz et Trésoriers généraulx de France au Bureau des finances estably à Paris, et à tous autres juges qu'il appartiendra, chacun endroict soy; qu'après leur estre apparu des bonne vie, mœurs et conver^tion catholicque, appostolicque et romaine dudict Byart, et de luy prins et reçeu le serment, en tel cas requis et accoustumé, iceluy mecte, reçoive et institue, ou face mectre, recevoir et instituer, en possession et saisine dudict estât et office et d'icelluy, ensemble des honneurs, auctoritez, prérogatives, prééminences, franchises, libertez, gaiges^ droictz, fruictz, proffiaz, et esmolumens dessusdictz, le face, souffre et laisse joyr et user plainement et paisiblement, et à luy obéyr et entendre de tous ceulx et, ainsy qu'il appartiendra, es choses touchans et concernants ledit estât et office, que, par celluy des Receveurs comptables qu'il appartiendra, ilz facent doresnavant par chacun an payer, bailler, et délivrer comptant audict Byart lesdictz