H. ESTIENNE AUX FRANÇOIS

TOUCHANT SON LIVRE DE LA PRECELLENCE DE LEUR LANGAGE, ET L'ABUS QU'AUCUNS COMMETTENT EN ICELUY.

François, j'ay exalté si haut vostre langage, Que tous autres sur luy on verra envieux1; Comme ayant dessus tous un si grand avantage, Que si eux disent bien, luy dit encore mieux.

Mais à fin que tous jours cest honneur luy demeure, Et que dire on le puisse estre très bien fondé, De ces mots estranges ne m'usez2 à toute heure, Comme s'il luy faloit estre d'ailleurs aidé.

Car de mots estrangers faisans une meslee, Gardez bien qu'un matin ces mots tant précieux, Comme oiseaux passagers, ne prennent leur volée, Et cest honneur aussi ne s'envole avec eux.