DOCT. I, CH. H. — VRAY PHLEGMON ET APOSTÈMES SANGUINS

fueüles de mauliie, de senecon, racine de lys, et escorce de guimaulue, de chacun vn manipul : farine de froment, vn quarteron : farine de semence de lyn, vne once : oing de porc frais, demy Hure. Les herbes soient cuittes en eau, et pilées auec le reste dans vn mortier : et en soit fait emplastre. Et tels soient plus tard remuez.

Or si le pus estant amassé, l’aposteme ne s’ouure de soy-mesme, soit ouuert d’vne lancette, ou par médicament apéritif : puis soit mondifié, remply de chair, et consolidé suiuant la forme ditte au chapitre vniuersel, et que nous dirons au traité des vlceres ; Car les exitures ouuertes (comme dit est) sont réduites en vlceres.

La quatriesme chose (qui est la correction des accidents) est accomplie selon le naturel des accidents qui suruiennent : comme s’il y a douleur, qu’elle soit par tout moyen appaisée. Car la douleur abat la vertu, et empesche toute la droite operation. Parquoy au temps de la douleur soient appliquez alteratifs, et dilatatifs comme est l’huile rosat, auec moyeux d’œufs, ou raie de pain blanc trempée en eau bouillante, exprimée, et rneslée auec huile rosat, ou maulues cuittes en eau, meslées auec du son menu ^ et huile violât. Et le saffran entre en la sédation de douleur, selon Auicenne. Et s’il est necessaire de passer à l’Hyoscyame, faisle hardiment. Car ses fueilles cuittes en cendres chaudes, et meslées auec oing frais, àppaisent la douleur, et meurissent les apostemes chauds, ainsi que met Théodore. Mais garde toy de trop grande humectation : car au commencement elle est à craindre : comme dit Àuicenne.

Que la matière ne retourne au dedans, on s’en asseure par l’euacuation et attraction, et sinon auec autre chose, au moins auec des ventouses.

Or si tu as suspition que l’aposteme s’endurcisse, fais bouillir en eau la racine de concombre saunage, ou de la coleurée, ou du cabaret, le plus souuent icelles toutes seules, et quelquesfois y adioustant des figues seiches grasses. Finalement mesle à cette eau de la farine, et de la graisse d’oye, ou de poulie, et les cuits : et en soit fait emplastre, du second à Glaucon.

Et s’il adulent corruption en l’aposteme, lors scarifie le lieu, et y fais embrocation auec eau salée : puis emplastre-le auec farine de febue, ou d’ers cuite® auec oxymel : et traite le au demeurant de la cure d’esthiomene.