Chapitre adminiculatif au precedent
De Carboncle, Anthrax, EstJiiomene, et des maimaises pustules sanguines.
■ VSTULES sanguines mauuaises , et corrompues (comme nous auons dit) sont toutes celles, qui en leur creueure ^ laissent escharre. Dequoy il appert que combien que Furoncle soit un petit phlegmon, il n’est pourtant pustule mauuaise corrompue : d’autant qu’en creuant il ne fait escharre. Aussi est-il traitté, et meury, après la saignée, auec froment masché, et le Diachylon ; et est mondifié auec miel cuit, et Sarcocolle, ainsi que met Rhasis, qui l’appelle Carboncle. Or ces pustules qui délaissent escharre, sont (selon Galen au quatorziesme de la Therap.) de sang gros, boüillant, et pourrissant. Ce qu’est cause du Charbon, de la braise, et du feu Persien, ou sacré ^ quand l’ébullition commence. Et s’il passe outre, et que par ébullition acquière vénénosité, il est cause d’anthrax. Et si plus outre, que l’ébullition et putréfaction soit extrême, il est cause de Gangrené, et d’Esthiomene. Car (selon Galen au liure Tumeurs contre nature) Gangrené, Esthiomene, et Carboncle sont proprement phlegmons. Doncques lesdites pustules ne sont pas faites du meslange et amas des humeurs naturels, ainsi que disoient Lanfranc, et Henric (jaçoit que Henric en ses Notables ait fait doute de cela) mais elles sont de sang gros, et boüillant, auquel le subtil, et le gros, conuertis en cholere et en melancholie, sont encores ensemble. Et par ce disoit Auicenne, qu’elles sont de cholere citrine et de melancholie ensemble meslez, différente selon plus ou moins, comme il sera dit.
Doncques le Carboncle, ou braise, ou feu Persien, ou sacré (qui sont prins d’Auicenne quasi pour mesme chose) est une pustule phlegmonique, s’esleuant en vescies, et bruslant le lieu où ejle est, noire ou cendreuse, auec rougeur obscure, et douleur tournoyante, et ardeur, et vésication à l’entour, de laquelle en se creusant prouient une escharre, telle que. font venir la bruslure, et le cautere.
Sa cause est, le sang gros à demy boüillant, et pourry, duquel le gros et le subtil n’ont encore esté séparez.
I . « In sua eruptione. » C’est à dire ouverture de soy-même, crevasse, et certaine réjection de l’humeur contenue. (J.)
2. « Causa est carbunculi et prunae. » Carbo, charbon (Serenus Sammonicus). Carbunculus, carboncle, charbon (Celse). Pruna, charbon ardent, braise (Pline).
DOCT. I, CII. n. — CARBO’GLE, ANTHRAX, ESTRIOMÈNE, ETC. 99
Les signes du Carhoncle commençant, sont rougeur, tenebrosité, citrinité, dureté, douleur, chaleur, et embrasement, punction \ et petitesse à mode d’un pois ciche, vitesse d’augmentation, vésication à l’entour : et quand il meurit, on y voit de chair morte comme escharre, laquelle rejette vne ordure visqueuse comme si s’estoient quelques racines : et quelquesfois il creue en plusieurs lieux puis se réduit en vn.
Les carboncles ne doiuent estre mesprisez : car ils sont en partie venimeux. Les carboncles, Jaçoit qu’au commencement ne soyent vlcerés, neantmoins le plus souuent ils terminent à vlceres : et pourtant le traité des vlceres a lieu en iceux. Les carboncles suiuent la peste.
La curation du Carhoncle, a trois intentions. La première, ordonne la vie : la seconde, esgalise la matière antecedenle : mais la troisiesme, régit et gouuerhe la matière conjointe.
La première intention est accomplie auec deuë administration des six choses non naturelles, et de leurs annexes, selon la forme donnée au phlegmon : sinon qu’il faut qu’il décline plus vers l’abstinance, réfrigération, et humectation ; d’autant que le plus souuent il s’ensuit fleures. Et pour ce soyent soubstraits le vin, et la chair : qu’il vse de laictuës, pourpier, grenades, et toutes choses aigres : et s’il est necessaire, qu’on luy donne boüillon de poullet altéré auec laictuës et verjus.
La seconde intention est accomplie auec phlébotomie, premièrement de la partie contraire, puis quand le lieu commence de s’alterer à noirceur, du costé mesme.
La troisiesme intention est accomplie auant l’vlceration par refrenatifs meslez auec les euaporatifs, afin que la matière ne recule, et que aussi ne soit irritée. A cela est loué par Galen au quatorziesme de la Therap., Xemplastre de plantain : et Auicenne le reçoit : duquel la forme est telle :
PR. du plantain, des lentilles, et du pain de mesnage ^ de chacun esgalle portion : soyent cuits en eau, tant que reuiennent en consistence de Uniment, qu’on en applique sur le lieu, et à l’entour. Auicenne y adjouste des galles, et ie croy qu’elles y seraient loüables, si le sang apparoissoit plus subtil, que gros. Et à cela mesme fait Xemplastre de deux grenades, cuites en vinaigre, ou en eau d’ozeille.
Quand la furie est aucunement remise, Xemplastre W Auicenne des figues et raisins secs, de noix et de farine d’orge, cuits en vin, seroit
