Acumea
2. Galen (duquel a esté premièrement prise cette forme de remede) requiert du pain syncomiste ou autopyre, c’est à dire qui ait toute sa farine sans qu’on en ait fait aucune distraction de son. Et le même autheur prend pour second pain, qu’on dit pam de memage celuy qui a beaucoup de son, à sçavoir est, après que la plus fine farine a esté secousse, le pain qu’on fait du reste, comme il est escrit. (J.)
SECOND TRAITÉ. — APOSTÈMES, EXITURES ET PUSTULES
bon pour le meurir et creuer. Estant creué, soit mondifié auec suc d’ache, miel et farine cuits ensemble : puis soit consolidé à la mode des autres vlceres, auec Diachylon. Mais l’onguent de bol arménien, d’huile et de vinaigre, soit tousiours mis és enuirons. Si le lieu commence à se malifier et corrompre, soit scarifié tout à l’entour, et laué d’eau salée, et l’vlcere desseiché auec trochiscs Calidicon destrempez en vin, et l’escarre soit mondifié auec le susdit empiastre d’ache, ou auec du beurre, et soit traité selon le régime d’anthrax, et des vlceres pourris.
Anthrax^ selon Guillaume de Salicet, n’est autre chose que Carboncle emmaligné. Car la matière d’Anthrax est sang gros, et qui boult tant que de son ébullition il a acquis venin. On l’appelle bonne Bube, en contraire sens : d’autant qu’elle est tres-meschante, et très-dangereuse. Et parauanture qu’on le deriue de anthra, qui est le cœur, parce que tousiours il appete le cœur ^
Les signes d’Anthrax, selon Henric, sont les signes du carboncle augmentez, auec la diuersité de couleur és veines d’alentour, en façon d’arc en ciel : et auec grand pesanteur du membre auquel il est, comme s’il estoit garroté de liens, auec grandes et insupportables detresses, et chaleurs, auec prostration d’appétit, desdain battement de cœur, et grande foiblesse.
Anthrax de tout son naturel, est maladie aiguë et dangereuse : parce qu’il est de matière fort venimeuse, pestilentielle, et contagieuse. Et le pire est, selon Auicenne, celuy qui aduient aux emonctoires, et voisinage des membres principaux ; car il faut craindre du retour de la matière. Et toute pustule mauuaise venimeuse, qui apres s’estre demonstrée, recule, est mortelle, et principalement si mauuais signes apparoissent. Et quand les accidents sont vehements, c’est mauuais signe : mais s’ils se remettent et appaisent, il est bon.
Des mortels le plus salubre est selon Auicenne, celuy qui est rouge, et après luy, le Gitrin. Mais de celui qui tend à noirceur, personne n’en eschappe. Les Anthrax sont fort fréquents en temps de peste.
La curation d’Anthrax a quatre intentions. La première ordonne la maniéré de viurc : la deuxiesme conforte le cœur : la troisiesme vuide la matière antecedente : et la quatriesme tire hors, et régit la matière conjointe.
1. Guy controuve une etyraologie fort inepte, à cause de Tignorance du nom grec ôévôpaË., lequel de mot à mot signifie charbon. (J.)
