DOCT. I, CH. IL — CARBOXCLE, ANTHRAX, ESTHIOMÈNE, ETC
La première est accomplie, auec deuë administration des six choses non naturelles. Doncqiies luy soit ordonnée vne demeurance ‘ bien claire : qu’on luy crie fort, et ne luy soit permis de gueres dormir : et le surplus soit ordonné suiuant ce qu’a esté dit au Carboncle, excepté qu’icy viures doiuent estre en moindre quantité, et qu’ils soient nourris comme on nourrit ceux qui ont fièvre pestilenliele. Il suffit d’auoir de la ptisane, et de l’eau auec sucre rosat, laict d’amandes, et orge mondé, iusques au quatriesme, ou cinquiesme jour. Les Grenades, Oranges, Limons, et toutes choses aigres sont pour luy. Et s’il est necessaire, luy soit donné boüillon de poulet altéré auec du verjus et laictuës.
La seconde chose est accomplie en luy administrant de la Tlieriaque bonne, et esprouuée, le gros d’vne febue detrempée en eau de scabieuse, ou en sa décoction : ou si la fièvre est fort aspre, auec eau rose, ou de buglose. Et soit baillée (s’il est possible) six heures apres le repas, etqu’il ne mange plus d’autant d’heures. le dis s’il est possible ; car en la Theriaque, nécessité n’a point d’heure, comme dit Auenzoar au commencement du Thesir : et en tant de temps, ou enuiron, communément est faite la première digestion. Toutesfois Auenzoar permet à la Theriaque sept heures et plus : et Auerrhois neuf. Tout cela est suiuant la moitié du temps de la totale digestion, qui est de seize heures, selon l’ancienne ordonnance, que le corps soit rassasié trois fois en deux jours ; combien que selon Auicenne le terme du séjour de la Viande en l’estomach, soit de douze à vingt et deux heures : ce qu’il faut entendre de tout l’estomach, et des boyaux, comme dit Albert Bolognois.| La raison de ce que dessus est, d’autant que nulle chose medecinale doit estre meslée auecques la viande ^ Car il s’engendre inquiétude, et douleur, comme dit Auenzoar au lieu que dessus. Or la theriaque, n’est pas seulement chose medecinale : ains aussi au milieu des natures des corps qui souffrent, et des médicaments qui les offencent au cinquiesme des Simples ; ce qu’il conuient entendre par similitude, et non pas proprement.
Pour reuenir à nostre propos, qu’on luy ernplastre le cœur par dehors auec roses, \iolettes, fleurs de buglosse, de tous les sandals, et d’escorce de Citron, et si la fièvre le permet, y soit adiousté vn peu de melisse,
