Ming. : « car de la bile naturelle et propre à nourrir
3. Galen au second à Glaucon, fait trois sortes d’Herpes : l’vn ainsi nommé absoluëment, qui retient le nom du genre. Il est fait de cholere plus subtile, laquelle brusle quasi la seule superficie de la peau, c’est-à-dire l’epiderme. L’autre excite des pustules petites et copieuses au dessus de la peau, qui ressemblent au millet en forme et en couleur : parquoy il est appellé des Grecs Cenchrias, et des nostres Milliaire : de quelques-vns non ineptement Granuleus. ïagaut escrit que cette espece a pris le nom du genre, selon Galen : d’autant que aucunesfois Galen l’appelle Herpes simplement et sans addition. Mais cét argument est tres-leger, veu que le mesme autheur signifie' bien ailleurs par ce nom Herpes, le mangeur ou corrosif, ainsi que Tagaut mesme annote : qui certainemêt n’a pas assez expliqué, que Herpes est nommé absoluëment de l’appellation du genre.
Le troisiesme .vlcere toute la peau, iusques à la chair qui est au dessous, Hippocrate l’a surnommé Esthiomene, c’est à dire mangeur. Il est fait de cholere tresespaisse et plus pure, non destrempée d’humeur pituiteux, telle qu’est aucunesfois celle qui fait l’herpes milliaire, sçauoir est, destrempée d’humeur pituiteux.
Les interprètes d’ Auicenne appellent tous herpes Eourmxj : et suiuant sa diuision, auec celle de Galen, ils nomment la première espece Ambulatiue : lequel mot exprime la signification du Herpes. La seconde Milliaire, la troisiesme Corrosiue. L’ambullatiue (dit Dyn) est faite de pure cholere subtile : milliaire, de cholere meslée auec pituite : la corrosiue, de cholere grosse et bruslée.
Nostre Guy, retenant ensemble l’appellation grecque et arabique, nomme Herpes celuy qui a mérité le nom du genre simplement, absoluëment, et sans addition, parce qu’il ne fait que se trainer, et ronge la petite peau, de façon que c’est tout vu auec l’erysipele vlceré, ou quelque peu vescié. Et il appelle Formy, les autres deux especes qui se font de cholere plus grossière : l’vne de plus leger mouuement (comme dit Guy) c’est à dire rongeant promptement, et mangeant, nommée d’Hyppocrate et de Galen Esthiomene : faite de cholere acre et subtile, si on l’accompare à l’autre formy, mais non pas au susdit Herpes.
La seconde est appellée Milliaire, engendrée de cholere plus grossière, ou de
