Vt in purgando administrentur suppositoria
DOCT. ir, CH. VH. — APOSTÈMES DES HANCHES. HERNIE VENTEUSE 185
les autres ; sauf que l’ouuerture pour crainte d’vne fistule, soit esloignée tant que sera possible du fondement, auprès duquel elle s’engendre aisément.
S’ils se conuertissent à durté, soyent remollis comme les autres : mais Auicenne a remollir la durté des testicules, aproprie le son qui soit incessamment pilé et criblé, et puis paistry auec oxymel, auquel on ait destrempé de l’ammoniac. Soit appliqué chaud sur le lieu, et souuent renouuellé ; car il est conuenable à toute durté, comme il dit. Et en tous il faut que les testicules soient soustenus auec vne ligature en coëfife, jointe au brayer.
De ï hernie aigueuse et venteuse. Hernie aigueuse est aposteme aigueus en la bourse des testicules tout ainsi que la venteuse, venteux. Elle est double, l’vne espanduë par toute la bourse, l’autre non espanduë, ains enclose dans vn sachet, comme si c’estoit vn œuf, ainsi que dit Albucasis, laquelle peut estre menée par le dydime iusques à l’aine ‘ comme le testicule. Et quelquefois elle entre par le trou du siphac. Parquoy i’en ay veu beaucoup de trompez, croyant que ce fust vne rompure.
La cause de ces hernies est débilité de la vertu digestiue, principalement du foye. Et à cela fait aussi le mauuais régime, comme dessus a esté dit de l’hydropisie, et des apostemes venteux, etaigueux: ausquels il faut recourir pour l’accomplissement de la cure de ceux-cy.
Les signes de l’hernie aigueuse sont enfleure et pesanteur, auec mollesse et splendeur luisante. Signes de la venteuse sont, enfleure et legereté auecques résistance, claire splendeur. Or comme l’aigueuse vient successiuement, ainsi la venteuse soudain, ainsi que dit Guillaume de Salicet. Aussi comme les apostemes Communs rarement sont trouuez simples, ainsi ceux-cy le plus souuent sont meslez, mais ils sont nommez de l’humeur qui domine comme dessus a esté dit.
En toute hernie- apostemale, il se faut aduiser des testicules ; car le long séjour des choses estrangeres, auprès d’eux, les altéré, et corrompt, comme disent les docteurs
La cure topique (supposé l’vniuerselle ditte en hydropisie et és apostemes aigueux et venteux) selon Galen au quatorziesme de la Therap.,Q^i euacuation de l’aquosité, laquelle se fait par medicamens, ou par chirurgie. Par medicamens elle est accomplie en toutes deux, auec les em-
1. Didyme, proprement, est le testicule mesme, parce qu’il est gemeau : mais à nostre autheur il signifle la tunique elythroïde, ou la gaine, par laquelle passent et repassent les vaisseaux spermatiques. Et il est appelle didyme, parce qu’il est double : comme a esté dit ru septiesme chapitre, doctrine seconde, du premier traité. (J.)
2. « Vt innuunt doctores », 1499; ms. de Montp. : « se dient les docteurs ».
186 SECOND TRAITÉ. — APOSTÈMES, EXITURES ET PUSTCLES
piastres de l’hydropisie, et des apostemes venteux et aigueux. Et à l’aigueuse, Auicenne aproprie cette emplastre : PR. dunitre, dix drachmes: cire, deux drachmes et demie : huile, deux onces : poivre, et bayes de laurier, de chacun vingt-cinq : soit fait emplastre.
Et à la venteuse on permet le cumin, la rue, le calament, et l’huile costin et nardin. Par la chirurgie qui proprement conuient à l’aigueuse^ (car en la venteuse Albucasis n’a veu aucun qui ait osé entreprendre sa curation avec le fer : jaçoit que Halyabbas dise, qu’il en opéré comme d’vn aneurisme) elle est accomplie en plusieurs sortes ;
Premièrement, Galen au quatorzième de la Thérapeutique, commande d’en extraire l’eau auec vne syringue, ou auec vn seton. Le seton est fait ainsi : auec des tenailles plattes, percées au bout, on prend la bourse (se desLioyant de sa cousture) jusque au vuide : puis on passe par le trou des tenailles, vne aiguille longue ardente à la teste de laquelle est le seton : puis en estant les tenailles et l’aiguille, on y laisse le seton, sur lequel és premiers jours on applique de l’huile, auec blanc d’œufs, et és ensuiuans une fueille de choux. On l’agite et remué : et on l’y laisse jusques à tant que l’eau soit vuidée. Mais Auicenne (lequel Guillaume ensuit) ayant haussé les testicules, auec vn phlebotome large il fait ouuerture en la mesme part, iusques au lieu de l’eau : et l’eau estant vuidée, il ferme. Et à ce qu’elle ne reuienne, il commande mettre vn emplastre restrinctif sur l’aine, auecques le brayer. Et si l’eau renient (comme elle fait communément dans six mois, ainsi que dit Albucasis) il commande reïterer l’operation ; et ainsi le malade passera sainement ses iours : Albucasis et Halyabbas font ouuerture du milieu de la bourse, iusques auprès de l’aine, et en ayant retiré l’eau, ils consolident tellement le didyme, que l’eau ne peut plus descendre. Quant a moy, j’obserue la maniéré qui s’ensuit, principalement en l’eau qui est enclose dans vne vescie : le conduis l’œuf parle didyme, iusques à l’os du penil, et de la part du ventre, afin qu’il n’entre dedans, ie commande au seruiteur de tenir ferme. Et moy, de la part de la bourse, afin qu’il ne descende, liens aussi ferme : et a donc ie fais ouuerture auec vne lancette, et en retire l’eau. Puis à consumer le sachet i’y mets vn peu d’arsenic auec du cotton, et après que l’eschare est tombée, ie consolide et cicatrize bien ferme. Quel-
1. Les autres lisent huile vieux; les autres, huile laurin. Mais Auicenne, duquel ce remede a esté pjrins, demande simplement de ITiuile. (J.)
2. Tous les autres lisent : Et à la venteuse an permet, et l'huile costin et nardin, excepté la chirurgie, qui proprement convient à l’aigueuse. Nous avons restitué ce lieu, de façon qu’on entend plainement que la chirurgie convient à la seule aigueuse. (J.) — Le texte que Joubert a restitué est celui du ms. de Monlp. et de l’édit, de loo9.
