Le ms. de Montp. ajoute : « cest en philosophie

DOCT. I, CH. I. — PROPOS GÉNÉRAL DES PLAIES

par petite conuersion deuient chair du tout semblable, et conforme à la première.

La seconde intention est appellée, quand les choses diuisées sont rejointes par vn moyen estranger \ tout ainsi que celuy qui besongne de cuiure, le consolide de plomb, comme dit le susdit commentateur. Ce moyen est nommé Pore sarcoïde, et est fait de humeur plus gros que pour la chair, et moins gros que pour l’os. Et la cause pourquoy l’os n’est consolidé selon la première intention, est sa durlé, comme Galen met au texte, car les seuls humides, sont vnis de première vnion ; et la foiblesse de la vertu nutritiue alteratiue, veu que l’os est partie froide, comme dit le nouueau commentateur dessusdit : et non pas faute de matière spermatique, ainsi que disoil Halyabbas, car les os ont touiours nourriture spermatique : a savoir par conuersion et assimilation.

Des nerfs et des veines, Auicenne dit, de l’authorité de Galen, au cinquiesme de la Thérapeutique, qu’ils sont entre deux, selon qu’ils sont moyens en durté et mollesse. Dont ils s’incarnent quand le tail est'petit et le corps humide : et ne s’incarnent pas, quand il est autrement. Pour ce, Galen disoit au lieu dessus allégué : Il semble que l’expérience tesmoigne à la raison : Car i’ay veu consolider l’artere és enfans et és femmes, pour l’humidité et mollesse de leur corps, et à vn jeune homme, qui l’auoit peu diuisée. Gela mesme est confirmé par l’authorité d’Hippocras, au sixiesme des Aphorismes ^ : Quand vn os est trenché, ou vn cartilage, ou vn nerf, ou le plus mince de la joüe, ou le prepuce, il ne croist, ne s’agglutine. Et l’instance ne vaut rien de l’os de l’enfant que l’on peut consolider, ainsi que met Galen au troisiesme du Techni, car il a inolesse et force de vertu, parce qu’il est encor prés de sa naissance : Ne des dents, qui sont engendrées ® non seulement en l’enfance, ains aux autres aages : car ils ne sont pas engendrez de matière ordonnée, ains de superfluité : non par la vertu première informatiue, ains par la nutritiue, laquelle induit l’acte de la generatiue, comme disoit Albert de’Bologne, en la leçon des Aphorismes. Finalement iuge Hippocras au sixiesme des Aphorismes : Que les vlceres qui sont faits és corps hydropiques, ne guérissent facilement. Dont Auicenne dit ; La solution de continuité, et l’vlceration, et leurs semblables, quand elles sont en membre de bonne