Secundum homiomeres et consimiles particulas

DOCT. II, CH. I. — PLAIES DE LA TÊTE 2o3

penelrent le crâne, les vnes sont sans déperdition de substance, les autres auecques déperdition : et tant de l’vne que de l’autre sortes, les vnes sont plaines et esgales, les autres aspres et squilleuses. Et de toutes ces deux, il y en a aucunes au sommet de la teste, d’autres aux costez. En outre, des playes auec contusion, et fractures de crâne pénétrantes, les vnes sont petites, de sorte qu’elles ne font compression, ne piqueure dessus le cerueau : les autres sont si grandes, que elles font compression et le picquent.

Ces différences sont propres aux playes de la teste, desquelles sont prises les indications curatiues, comprises des paroles de Paul Æginete en son sixiesme liure de la Fracture du crâne. Galen n’a fait mention que de celles esquelles y auoit plus grand diuersité, sçauofr est : de la simple fracture grande, faite au sommet de la teste, et à ses costez, pénétrante et non pénétrante. Et ne s’est pas soucié des petites fractures, comme n’estans que forme et siégé des choses qui ont frappé. Et auec ce, il a déterminé des grandes contusions, ainsi qu’on verra cy-dessous. Albucasis outre celles-là en adiouste vne, en laquelle il fait que la lame de l’os entre au dedans; et là se fait vne enfonsure, comme il adulent aux chauderons de cuiure, quand ils sont heurtez : ce qui est plus commun aux lestes des enfans. Aucuns veulent dire, du propos d’Auicenne au qua- Iriesme, qu’il y en a vn autre, qui n’est fracture en l’endroit qui est frappé, ains à Vopposite ; laquelle diuision est reprouuée au sixiesme de la Chirurgie de Paul. Auicenne semble n’auoir eu soin que des playes de la chair auec incision et contusion : et aussi de la fracture auec incision et contusion, auec playe en la chair, et sans playe : mais par les diuisions des communes fractures, Il a entendu lesdites différences.

Les causes des playes de la teste sont de mesme que des autres playes, déduites cy-dessus au propos commun.

Quant aux signes, et iugemens des fractures de la teste, il faut entendre, que les vns signifient fracture du crâne, les autres incision du cerueau, et de ses tayes, les autres apostemation, les autres lésion causée de la matière qui descend, et greuant le cerueau, et ses tayes.

Les signes de la fracture du crâne sont prinses de plusieurs choses.

Et premièrement, sont prinses de la considération de la cause qui rom'pt : comme de ce qu’il est tombé d’enhaut, où qu’il a esté frappé de chose forte. Secondement de la considération de la grandeur de la blessure, entant qu’il y a grande contusion, ou grande playe. Tiercement, de la qualité du lieu : de ce qu’il y a douleur, et il présente souuent la main en ce lieu ; et auec les doigts, et esprouuettes on apperçoit minceté ^ en la peau, et séparation de l’os ; et quand il souffle, ou relient son

L « Tenuitas.

TROISIÈME TRAITÉ. — PLAIES

haleine, on void de l’humidité pulluler par la fente. Quatriesmement, des accidents qui suruiennent à l’heure, comme apoplexie, esbloûissement \ perte de parole, vomissement, etc. Cinquiesmement, de la considération du son : car quand on frappe sa teste d’vne verge, elle sonne caz ou enroüé ^ Sixiesmement, de la considération du grincement ou crissement des dents. Car elles crissent, quand on frappe ung fil qu'on leur fait tenir aux dents : et quand ils essayent de rompre vn nœud de paille, ou autre chose dure, ils en sont offencez. Septiesmement, en considérant l’encre et liniment de mastic sur la fente : car la noirceur demeure en la fente, et le Uniment est sec sur le lieu de la fente : et ce signe est certain.

Les signes de Vimision des tayes sont prins aussi de plusieurs choses. Premièrement de la douleur, et de ce que soudain dés le commencement s’ensuit eshloüissement, vertige, et semblables. Secondement, de la couleur du visage, et des yeux : car la face rougit, et endure pustules : les yeux rougissent, deuiennent gros, et tenebreux, etc. ïiercement, des choses qui sortent : car le sang sort des narilles, des oreilles, et du palais. Quatriesmement, de la lésion des vertus : car il se remue difficilement, son parler est troublé, il a angoisse, est tout abbatu, et estonné ; il a fiéure, et rigueur % ne dort pas bien, n’a aucun appétit, il a desdain et vomit, ne va pas bien à la selle et n’vrine pas bien.

Les signes de l'incision du cerueau sont prins de plusieurs choses. Premièrement, de ce qui en sort ; comme s’il en est sorty vne substance grossière amassée ou ronde, et moüelleuse, non sanieusc. Secondement de la lésion des vertus : Car on perd la raison, si la playe est aux parties anterieures de la teste, et la mémoire, si aux postérieures. Et auec les susdits accidents y a estonnement de sens, et plus grande resverie ^

Les signes que Vaposteme chaud y est suruenu, sont prins aussi de plusieurs choses. Premièrement de la tumeur : car les membranes s’enflent, et sont eminentes hors de la playe, rougissent, ne se mouuent point. Secondement des yeux : car ils sont rouges et enflez, et semblent sortir hors de la teste, sont inconstans et de trauers Tiercement de la chaleur : car ils ont fiéure et inquiétude. Quatriesmement des vertus : car' ils resvent, sont en conuulsion, et en phrencsie.

Les signes que la matière qui descend en bas, olfence et greue les