Desipientia maior »; égarement d’esprit

3. « Jlobilitantur et obliquantur. » Ms. Montp. : « Se mouuent et tournent de travers. »

DOCT. II, CH. I. — PLAIES DE LA TÊTE

laves, et le cerueau, sont les susdits signes de l’incision des tares, venans de peu à peu après le commencement.

Quant aux iugements, la fracture du crâne, selon tous est dangereuse. D’auanlage, l’incision du cerueâu, et la corruption et lésion de ses tayes, est mortelle selon Hippocrate, sinon qu’elle soit petite, expose Galen, ainsi qu’il a esté dit cy-dessus, au iugement des playes. Et pource les mauuais accidents, comme fiéure aiguë, tremblement, conuulsion, resveries, éuanoüissement, parole perdue, sorties des yeux, obscurcissement, rougeur, et biglement, sont signes à craindre, et mortels principalement s’ils perseuerent, et ne se remettent point.

Plus, dit Auicenne au troisiesme, traitant de la playe et incision de la teste ; Et aux playes qui paruiennent iusques à la taye du cerueau, il aduient lascheté du costé de la playe, et conuulsion à l’opposite. Et pource veut dire Guillaume de Salicet, que quand la playe est faite en la partie dextre \ la senestre deuient paralitique, et au contraire, d’autant que les nerfs qui vont à la partie dextre, ont leur racine en la senestre* et au contraire ainsi qu’il dit. Considéré si la lettre dit cela : et sur ce prens aduis de Galen, au second liure des Maladies et Symptômes.

Daiiantage, en la fracture de la teste, on attend les dangers et mauuais accidents, selon Rogier, iusques à cent iours : et selon les Légistes, et luges,- à quarante six : car tel est le dernier terme des maladies aiguës. Et selon les quatre Maistres, à quinze, qui est le^commum terme des maladies aiguës. Outre ce, le noircissement de la dure mere, qui n’est mondifié auec du miel, signifie la mort, dit Paul. En outre, la fracture du crâne est à craindre en pleine Lune, comme dit Rogier. Daiiantage, en consolidant le crâne, s’il y appert chair rouge, c’est bon signe. Plus, és playes de la teste, petite tumeur, et bonne digestion de la sanie, est bon signe. Mais la tumeur grande, mesrnement s’elle disparoit soudain sans cause raisonnable, est mauuais signe. Rem, en la fracture du crâne on attend le calle, foible, et rare, non espais, iusques à trente cinq iours ^

Curation.

En la maniéré de curer, il faut entendre et sauoir que la multitude des discordants en icelle, demonstre que le iugement de sa curation est dif-

1. Joubert annote : la conclusion de Guillauine est fausse et Auicenne aflirme le contraire. Car cestuy-cy consent à Hippocrate, que ce qu’on pense estre conuulsion se fait en la partie opposite, et la paralysie en la mesme.

2. Guy de Cbauliac ne s’est pas occupé de la commotion du cerveau ; ceux qui l’ont suivi s’en sont également assez peu occupés, jusqu’à A. Paré, d'après Malgaigne (A. Paré, t. II, p. 24). Berenger de Carpi, dans ses définitions, admet une commotion sans fracture.

TROISIÈME TRAITÉ. — PLAIES

ficile. Car Galen, Paul, Halyabbas, Auicenne, Albiicasis, Rogier, lamier, Brun, et Guillaume de Salicet semblent (ou pour le moins on le leur impose) procéder en toutes fractures de la teste indifféremment, en descouurant, ruginant, trépanant, et arrachant les os auec instruments de fer, se fondans (comme ils disent) sur ce propos commun, qu’il est necessaire de descouurir, et couper l’os, afin que la virulence qui s’amasse dessous le test, puisse convenablement estre mondifiée, et desseichée.

Les autres, comme maistre Anserin de la Porte et quelques Padoans, et presques tous les François, et Anglois y procèdent, incarnant et consolidant auec leurs emplastres, et breuuages, bon vin, et bandage, se fondans aussi sur ce commun propos : Que si nous pouuons rejetter la sanie sans rejetter les os, c’est le meilleur. Ce que nous pouuons faire par médecines principalement : car selon cette maniéré, il ne s’y engendre point de sanie, comme selon la maniéré des autres, ains est inhibée. Et si elle y est engendrée, par le moyen d’icelles, est conuenablement mondifiée, et desseichée.

Mais quelques-vns, comme Théodore, Henric, et Lanfranc (qui entre autres dit le mieux) s’efforcent de tenir vn chemin moyen, différemment toutefois. Car Théodore incarne les playes recentes auec breuuage, vin, et estoupes. Et Henric auec son emplastre, sans breuuage. Et tous deux trépanent, et esleuent (comme faisoient les anciens) les fractures vieilles, quand elles ont passé^quatre ou cinq'iours. Lanfranc procédé en toutes, en incarnant auec mesches baignées en deux parts d’huile rosat, et vne de miel ,: et par dessus il met vn mondificatif de farine d’orge, et de miel, ou de cire, et de résiné, auec poudre capitale : excepté en deux cas, esquels il procédé en ruginant, faisant ouuerture, trépanant, et esleuant les os : Le premier cas est, quand l’os presse : le second quand il pique. Et se fondent sur les fondements des deux voyes devant dites : adjoustant, que à l’operation des instruments peuuent ensuiure plusieurs dangers, à cause de Valteration que fait Vair, et la douleur que fait l’operation, et l’aposteme que l’vn et l’autre ameinent.

Quant à moy, voyant ce discord mis entre les maistres, estant ieune me trouuois en grande perplexité. Mais depuis i’ay considéré les œuures, les accusations, et les nouuelles expériences. Ceux que i’ay trouué discordons, ie les ay eus pour suspects. Or, que pour le dire de deux ou de trois, on quitte du tout la sentence des bons, c’est mal fait. Car il est escrit au premier des Aliments^ qu’il est injuste de croire à vn plus qu’aux autres, sans démonstration. Et Halyabbas, au second sermon de la seconde partie de la Disposition royale : Il est plus seur (dit-il) vser de ce qui est inuenté, que d’vser de nouuelles expériences. Car en esprouuant les