Anselmus de Janua
DOCT. II, CH. I. - PLAIES DE LA TÊTE
médicaments és corps des hommes, il y a imminent danger des aines : et és dangers, il faut tenir le chemin plus commun, et plus approuué. Et pource, auec l’aide de l’autheur de toutes choses, ie ne laisseray point le chemin de Galen : car c’a esté celuy du diuin Hippocrate, comme il tesmoigne au sixiesme de la Thérapeutique, disant que des fractures en la teste, Hippocrate en a escrit tout vn liure, enseignant toutes choses qu’il faut faire en icelles, et quand nous aurons mis fin à cette besongne, nous le commenterons. le ne quitteray pas aussi la voye d’Halyabbas, de Paul, et d’Auicenne : ains en les interprétant, i’accorderay de tout mon pouuoir leurs propos, auec ce qui appert euidemment. Car telles doiuent estre les démonstrations des Médecins : comme il a esté allégué cy-dessus au chapitre executif. le cognoy bien qu’on estimera que ie prolonge mes paroles, mais il est necessaire, que là où se présente plus de danger, on en traite plus sagement et longuement. Et afin qu’il ne soit fascheux de repeter les choses communes en la curation de chaque espece ou différence, ie mets en auant neuf enseignemens fort necessaires à cette curation.
Enseignemem qu'il faut observer en la curation des playes de la teste.
I. Desquels le premier par voye, est notable*, que la playe de la teste (mesmement auec fracture d’os) a maintes particularitez et différences des playes des autres membres, tant pour raison de la prochaineté, et noblesse de la moüelle du cerueau, que aussi de ce que pour sa figure ronde, elle ne peut estre vnie, ne conseruée par bandage, ainsi que les autres membres.
IL Le second est que és playes de la teste, principalement és notables, il faut obseruer les intentions communes susdites au propos commun, touchant la saignée, la purgation, et le ventre, que au moins vne fois le iour il aille à la selle de soy mesme,'’ou par vn suppositoire, ou clystere, ou quelque lenitif. De la maniéré de viure, qu’elle soit plus subtile. De l’extraction des affiches, la moins fascheuse. Du flux de sang, qu’il soit restraint. Et de la correction, et preseruation des accidens, comme il a esté et sera dit.
HL Le troisiesme est, que aux playes de la teste, auant toutes choses on oste les cheueux, et la teste soit rasée en la mouillant d’eau et d’huile, nomme dit Guillaume, en contregardant bien que le poil, ne eau, ne huile entrent dans la playe : car ils empescheroient la consolidation, ainsi que dessus a esté dit. Et que dés le commencement soit refrenée la matière, ot la douleur, en mettant aulbin d’œuf dessus, et dedans la playe. Et
