DOCT. II, CH. II. — PLAIES DU VISAGE ET DE SES PARTIES

ceux qui sont blessez au visage, ayent en la teste vne coëffe ou capeline de linge de lin, forte, bien et fermement liée à la teste, à laquelle toutes les bandes * soient cousues. Et est aussi de besoin, d’autant que la face est de plusieurs petites particules, que en lieu des estoupades, quelquesfois on y mette des drapeaux doubles et triples, afin qu’ils soyent mieux appliquez, et aisément estez.

Quand à ses particules, elles a de propre ce qui s’ensuit.

Des playes des yeux. Les playes des yeux sont à craindre, à raison de la veuë et de ce que les yeux sont voisins du cerueau. l’ay veu plusieurs fois (ce qu’aussi atteste Bienvenu) pour les playes des entours de l’œil, suiure opilation des nerfs optiques et cataractes. Que diray-ie donc, quand elles seront en la substance de l’œil? Il est certain, que si les humeurs versent, il s’ensuit destruction de l’œil, et de son action. Et si Galen au quatriesme des Maladies et Symptômes, vit guery vn enfant piqué d’vn poinçon, d’où sortit incontinent l’humeùr aqueux, ce fust des choses qui rarement aduiennent, et cela a pu estre selon nature (nonobstant que Rabbi Moyse, comme en se moquant de Galen, dit que ç’a esté de ses merueilles), car les parties spermatiques és enfans chascun iour sont r’engendrées, ainsi que vous voyez.

Sa curation est selon lesus, d’empescher que matière ne fluë en l’œûl. Et si n’en est sorty du sang, qu’on y applique collyre de tuthie, auec vn peu de camphre. Et s’il en est sorty du sang, soit traité auec de la pierre sanguine^ : car elle a grande vertu à cela, et mets dessus l’œil aulbin d’œuf, et soit lié ferme d’vne bandelette.

Bienvenu en ce cas louë extrêmement les germes des œufs ®, battus et broyez au mortier, en forme d’onguent, et appelle cette médecine, vertu donnée de Dieu.

De ce qu'est entré dans l'œil. Si quelque chose est entré dans l’œil, qui le blesse, et fasse douleur et l’olfence, soit comme fumée, pousiere, Pierrette, paille, ou areste, lesus commande de faire distiller souuent en l’œil du laict de femme, ou de l’eau douce. Car cela le mondifie, .et en retire tout ce qui y est cheu. Et s’il n’en sort, renuerse les paupières. Et si tu le vois, enueloppe vne esprouuette, ou ton doigt d’vn linge de