Caro marcida

QUATRIÈME TRAITÉ. — ULCÈRES

Vlcere auec tenebrosité et durté, est vlcere dur, liuide à l’entour, sans puanteur.

Vlcere auec os corrompu, est vlcere recidiuant, ayant chair molle, en laquelle facilement pénétré la tente, laquelle trouue l’os aspre.

Vlcere variqueux, est vlcere auquel sont à la partie supérieure, veines outre nature grosses et pleines, qui abreuuent l’vlcere.

Vlcere de difficile consolidation auec propriété, est vlcere qui sans cause manifeste ne peut eslre consolidé.

Les causes des vlceres sont doubles : antecedentes et conjointes. Car comme parle Dyn sur le quatriesme Canon, ils n’ont proprement causes primiliues, d’autant que de première rencontre en deschirant la chair, ne peuuent engendrer sanie \ mais le peuuent bien consequemment ; d’autant que peuuent esmouuoir les antecedentes et corporelles.

Les causes antecedentes sont malice d’humeurs, et quantité superflue d’iceux qui peuuent ronger et corrompre les parties du corps, lesquelles sont engendrées de mauuais régime, et du péché de tout le corps, ou de quelque partie, sçauoir est du foye, et de la râtelle.

Les causes conjointes sont, les malices des complexions introduites és parties vlcérées, par les causes dites antecedentes, et des playes et des exitures, et aussi des- pustules ouuertes. Car comme de la formy et du herpes est engendré vlcere corrosif, ainsi du carboncle et anthrax, le sordide, et des apostemes, le profond et cauerneux. Dont Galen au quatriesme de la Thérapeutique, disoit : Il semble qu’il y ait trois maniérés d’vlceres difficiles à guérir : l’vne à cause que la chair subjette est intemperée ^ : et l’autre pour le vice du sang qui y afflué : et la troisiesme, de sa quantité. La quatriesme, qui est de la dyscrasie, sera que l’intemperature est quelquefois des seules qualitez et autrefois auec tumeur et matière. Et il en adjouste vne cinquiesme au sixiesme commentaire sur les Aphorismes, ou il est dit : Les vlceres d’vn an (et selon la traduction du Grec toutefois), lesquels sont pour cause de la passion de l’os corrompu. Et s’ensuit au quatriesme de la Thérapeutique : Quelquefois il adulent qu’aucunes des susdites dispositions, ou toutes ensemble sont meslées, desquelles prouiennent maintes especes d’vlceres, jà cy dessus dénombrées. Toutesfois nous traiterons des simples, afin que par icelles on ait les composez.

1. La cause primitiue fera premièrement playe, ou contusion, ou brusleure, etc. Dequoy pourra aduenir génération de sanie ou boüe : mais non pas immédiatement d’icelle cause externe. Car il faut qu’il y ait déperdition d’aucune substance, laquelle induise celte nécessité qui cause génération de sanie : comme cy-dessus a esté expliqué. (J.)