DOCT. I, CH. IV. — ULCÈRE PROFOND

mesches, et soient induits ou oingts de quelque mondificatif. Quant au dessus, et à l’entour, qu’on y mette les choses cy-deuant dittes.

Mais s’il ne t’est possible de faire incision, Auicenne conseille vn lauement ^ auec clysteres, selon la maniéré d’Albucasis, premièrement auec mondificatifs, si on doute qu’il y ait sanie adhérente ; puis auec des incarnalifs. Et pour mondifier, Galen ordonne au second à Glaucon, l’eau miellée seulement : et en apres il permet le vin, auquel il adjouste quelquefois du miel. Or à purger ou mondifier les liqueurs qui sont à l’entour, l’eau miellée est meilleure, comme il dit : mais pour la future agglutination, le vin. Et par dessus vne esponge neufue infusée en vin. Les autres comme Auicenne (principalement si la malice est notable), le lauent auec eau de cendre, ou auec eau de mer, et eau alumineuse, laquelle outre ce qu’elle est lauatiue, est aussi prohibitiue de ce qu’est attiré au membre : Albucasis commande d’y mettre onguent Ægyptiac dissoubs auec eau et miel. Quelques-vns, comme Lanfranc et Henric, si l’vlcere est chaud, et la virulence rouge comme laueure de chair, le lauent d’eau et miel, et de la décoction d’orge, de lentilles, roses et balaustes. Et si l’vlcere est froid, et la virulence aigueuse, le lauent de vin et miel, de la décoction d’aloyne, marr.ube, pimpinelle et myrthe.

Et pour incarner, Auicenne dit qu’il faut que les medicamens soient courans ou liquides, et lauatifs, ayans viscosité adhérente : et que d’iceux soit faite injection auec clysteres, et qu’il soit mis au dedans auec mesches et tentes. Quant à nous (dit Auicenne) auons desia esprouué l’emplastre Apostolic, c’est à dire des Apostres, et la centaurée, que quand on en remplit l’vlcere, c’est chose fort admirable. Apres, Galen y adjouste d’iris illyrique, et de la consoulde ; puis farine d’ers, et semblables. Par dessus qu’on mette emplastres, et drapeaux oingts de quelque chose qui les puisse amender, comme Diapalma, l’emplastre noir ou roux, auec des galles : et du miel cuit auec poudre d’encens, myrrhe, et aloës (de ceux-? cy aucuns ou tous ensemble) et gros vin astringent. Puis soit bandé comme enseigne Galen au second à Glaucon, et Henric approuue fort celte ligature. Et combien que le texte de Galen soit là assez embrouillé, neantmoins il en faut prendre ce sommaire : Qu’apres auoir rejetté et purgé la matière, soit mis sur toute la cauerne vn emplastre incarnatif des susdits, pertuisé autant que contient l’orifice de l’vlcere ® : et sur cet orifice soit mis ce qu’on aura osté du pertuisé. En apres soient estroilement liez auec vne bande qui comprenne les deux extremitez de la cauerne, commençant au fond d’icelle, et tirant vers l’orifice, en las-