Ablutionem

2. « Perforalutn quantum tenet oriflcium ulceris. » lSb9. « Perforatum quantum spatii habet oriflcium... » (Ed. J.)

QUATRIÈME TRAITÉ. — ULCÈRES

chant ; puis soit lié l’orifice d’ung petit ernplastre auec vne bandelette, de façon que le premier bandage ne soit deslié iusques à l’accomplissement de l’incarnation : mais le second soit remué de trois en trois iours. Communément on lie de ligature exprimenle, auec telle industrie, que par son moyen, et des bonnes pressures on restraigne par tout le fond. Plusieurs font doute quant à la tente, comme Henric et mon maistre de Bologne, qu’elle ne soit pas solide (parce qu’elle retient la sanie en son lieu), ains cannulée, ou doublée, afin que la sanie puisse tousiours auoir yssuë. Et que sur l’orifice on mette vne esponge, afin qu’elle attire la sanie au dehors en la succeant.

GINQVIESME CHAPITRE

De fistule.

iSTULE est vlcere profond et cauerneux, auec durté calleuse de la part intérieure : duquel procédé le plus souuent sanie virulente qui en découlé. Et c’est ce que disoit Galen au liure des Tumeurs contre nature. Aussi ce qu’on nomme fistule, est vn sinus estroit et long, semblable aux autres seins ; ayant contraction (c’est à dire durté) de la part intérieure, et derechef apostemant [c'est à dire, iettant pus) à cause de la fluxion des superfluitez, tout ainsi que les autres. Car aucunes fois elle se ferme et ne iette rien, quelquefois se reouure et iette, selon qu’on est nourry et purgé. Doncques sanie virulente n’est pas sa dilîerence essentielle, ains ladite callosité, auec la forme fistuleuse. Nonobstant ce que dit maistre Arnaud, que tandis que la sanie de Fistule est aigueuse, ou gluante, ou de mauuaise qualité, la Fistule demeure viue. Car il ne s’ensuit pas, que si ne iette, elle soit estainte : combien qu’il y a adjousté, que tant que viura la fistule, iamais elle ne pourra estre bouchée. Il est bien vray, que non parfaitement : mais qu’elle ne puisse estre pour vn temps et imparfaitement desseichée et close, Galen ne l’a pas cuidé, ne Albucasis aussi, quand il dit : Et à quelques heures elle rend humidité, et* à quelques heures l’humidité en est retranchée. Ce mesme, a soustenu Halyabbas et Brun, lamier, et les quatre Maistres. Quant à la durté, de laquelle Henric reprend Rogier et Roland, ie ne doute point qu’ils ne l’ayent entendue, veu qu’ils commandent la panser auec choses qui consument la chair dure, et leurs glosateurs l’ont ainsi glosé.

Des Fistules, l’vne est en la chair, l’autre és. veines, l’autre aux nerfs,