DO CT. I, CH. Y. — FISTULE

et Tautre aux os. Outre ce, l’vne est droite, l'autre oblique ou tortue : et quelqu’vne n’a que vn sinus et vn orifice : l’autre en a plusieurs. Il y en a qui sont és jointures, d’autres aux yeux, les autres au gosier, autres en la poitrine, autres aux parties honteuses, et ainsi consequemment. Car de ces différences est prise, la prognostication et l’indication curatiue.

Les causes des Fistules sont les mesmes que des xlceres cauerneux. Car toute Fistule est procedée d’vn vlcere cauerneux, et en est engendrée. Neantmoins les humeurs qui defluent et corrompent le lieu, sont pires en Fistule qu’en l’vlcere cauerneux. Car telle matière est phlegmatique et melancholique, ainsi que dit Guillaume de Salicet, en laquelle adustion ameine acreur et vénénosité. Parce, disoit Arnaud, que l’humidité dominante, et la froideur qui luy est subjette (entendez qu’elle soit corrompue) donnent vie ou voye à la Fistule.

Les signes de Fistule sont prins des choses qui luy adhèrent essentiellement, comme de cuir calleux, et de la façon d’vn instrument nommé fleute ; et des accidents et effets, comme de la virulence et horribilité qui en découle quelquefois, et de la douleur qui est petite, sinon qu’elle soit prés du nerf. On cognoit qu’elle est en la chair par l’humeur gros, visqueux, trouble, et crud, qui en découle. Qu’elle soit au nerf, par la douleur et la tenuité de ce qui en sort. Que soit aux veines, il est demonstré, parce qu’il en sort du sang et lye. Que soit en l’os, par la tenuité et subtilité de ce qui en sort, comme dit Auicenne. Et à ce aident les prennes auec tentes et esprouuettes, et lauements de couleur : aussi le lieu et le temps font à cela. Car si c’est auprès des nerfs, et des os, nous pouuons penser qu’il les ait infectez. Pareillement si elle a passé vn an, qu’elle est en l’os, sinon ^ qu’elle est en la chair, ou aux nerfs.

De la corruption de l’os, comment on la cognoistra, il a esté dit cydessus.

On iuge que la fistule de tout son genre est difficile à guérir, principalement la profonde et tortue, enossee ^ et enuiellie, et qui a plusieurs concauitez. D’auantage, la fistule qui est au membre noble, et auprès d’iceluy, et qui pénétré au dedans de la poitrine, du ventre, et de la vescie, ou à aucunes des costes, ou des vertebres, ou à quelque jointure (comme de la main ou du pied) est suspecte, et de mauuaise guérison. Et s’amuser à elle, comme dit Albucasis, n’est que peine et ignorance.

La curation de fistule a deux régimes, sçauoir est l’vniuersel, et le particulier. régime vnniersel a trois intentions. La première ordonne la manière de viure ; la seconde éuacuë la matière peccante : mais la

1. Ms. de Montp. : « et se elle ne la passe elle est en char. »

2. Les édit, de 1537 et looQ portent « massatn celle de Joubert « inossata». Ms. de Montp. : enossee.

QUATRIÈME TRAITÉ. — ULCÈRES

troisiesme, en confortant les membres intérieurs, et en desseichant la fistule, la rend apte à consolidation.

La première intention est accomplie auec régime conuenable, ordonné selon la matière. La seconde est accomplie par euacuations propres à la matière : desquelles deux intentions il a esté dit cy-deuant assez amplement au traité des apostemes, et spécialement des froids.

Mais la troisiesme est accomplie par breuuages esprouuez contre la fistule, desquels cettuy-cy m’est plus agréable : PR. dC agrimoine, trois parties : de plantain, deux parties : feuilles d'oliue, vne partie, soient hachées menu, et pilées, et cuites en vin blanc. De ce bouillon coulé on en ordonnera vn plein verre tous les iours à l’aulbe.

A cela mesme ; PR. les trois parties d'osmonde, les deux parties. de gentiane, et vne partie de centaurée. Cuisez-les en vin blanc, et en soit ordonné comme dessus : car cela est d’efficace à l’expulsion des os.

Le régime particulier a trois ou quatre intentions. La première élargit l’orifice estroit. La seconde oste la fistule, et la mortifie. La troisiesme nettoye le lieu mortifié. Mais la quatriesme remplit de chair le lieu mondifié, et le guérit.

I. La première est accomplie, que quand on sera bien certifié du sentier, et de la profondeur, on mette par le trou vne tente de la racine de gentiane, ou d’aristolochie ou de couleuurée, ou dragontée, ou de pièces d’esponge bien torse, et bien accommodée. Car la moüelle du suz et de riiyeble S ne me plaist point, d’autant que bien souuent quand on la retire, elle se rompt. Ainsi pour cette occasion ie conseille, que les tentes soient liees auec du fil, afin que si elles y arrestoient, ou aboient trop auant, on les peust retirer sans aucune faute. Qu’elles soient faites grosses, et longues, selon la grandeur du trou. Que la tente y séjourné l’espace de douze heures, puis en soit retirée. Et si le trou est assez ample, la première intention est accomplie.

II. Et vient la seconde, qui est d’amortir la fistule, laquelle seconde intention est accomplie par vn des trois moyens : L’vn est sans incision, par injections de médicaments acres et corrosifs. L’autre par incision et cauterization. Le tiers par incision et arrachement de la callosité.

Guillaume enseigne de faire le premier, en y mettant vne tente faite des trochiscs asphodelics. Et Rogier auec tente de chaux et de sauon : ou auec tente oingle d’arsenic, laquelle ne faillit point. Mais si la fistule a plusieurs cauernes, lors il faut destremper tels médicaments acres auec du vinaigre, ou autre liqueur, et faire injection auec vn instrument, de sorte qu’ils paruiennent cà toutes les profondeurs. Et soit bouché le trou, afin qu’ils demeurent dedans, iusques à ce qu’ayent fait leur operation.

1. « Quia de medulla sambuci, et ebuli... » Sambuceus, de sureau (Pline).