DOCT. I, CH. Y. ^ FISTULE

Mo

C'est ce que disoit Arnaud : la fistule tourtuë et entrelacée n’est iamais amortie, qu’elle ne soit abbreuuée de liqueurs ameres comme fiel, ou nitreuses. Et à cela est fort bonne l’eau forte des Alchimistes, au moins la première : car elle mortifie et desrompt toutes fistules.

Cette seconde intention est accomplie auec incision et caiitere, comme s’ensuit. Ayant mis au dedans vne sonde de bois, iusques à la racine du fond, toute la cauerne soit tranchée depuis l’orifice iusques au fond, ainsi qu’a esté dit auparauant de la playe et des vlceres cauerneux. Et soudain pour le flux, soit fait appareil de blanc d’œuf et auec tentes qui dilatent les léures de l’vlcere. Puis lendemain soit cauterizé le lieu, auec cautere actuel, ou potentiel fait de poudre d’asphodeles, ou d’arsenic (Auicenne fait cela auec de l’argent vif sublimé), tellement qu’en l’vlcere ne demeure rien de corrompu, et calleux, ne chose contre nature : ains tout soit desseiché, consumé et rejetté. A l’entour soient tousiours appliquées choses réfrigérantes, comme dit est. Et comment il faudra séparer l’os corrompu, cy-dessus a esté dit.

Le signe que le médicament acre a parfait son operation, est l’enflure de l’vlcere, comme dit Rogier, et la demeure de trois iours, suiuant le commun usage. Or quand la fistule aura esté cautérisée et desseichée, il la faut secourir auec medicamens qui mitiguent : comme est pour les premiers iours, l’huile auec l’œuf, puis du beurre, ou autre chose grasse, iusques à ce que le feu soit esteint, et l’escharre chée, et soit conuerty en sanie.

Et quand la sanie qui auparauant estoit indigeste, vient digeste, et en moindre quantité, c’est signe que la fistule est amortie. Ce que Arnaud disoit bien : De quelque part que la fistule jette sanie pure et parfaite, elle est estainte en cet endroit.

Cette seconde intention est accomplie auec incision, sans cautere, si ayant fait incision iusques au fond, comme dit est, on oste auec le rasoir toute la chair qui est à l’entour, calleuse et pourrie, de sorte que le lieu demeure net : ce qui apparoistra par la presence de la bonne chair, ainsi que dit Auicenne. Cette-cy est la vraye mortification, et curation de fistule.

Et si par ces moyens n’est guerie, soit remise à S. Eloy, comme disent les gens : nonobstant que Lanfranc promet de la guérir auec agrimoine et sel, ce que toutesfois ie n’ay pas rencontré par effet. Et si on l’a trouué, c’est és vlceres cauerneux, qu’Auicenne appelle fistules récentes : et suffit que l’herbe soit cueillie en disant Pâte}’ noster. Et ainsi est accomplie la seconde intention.

III. IV. La troisième intention qui est de mondifier le lieu, et la quatrième, qui est d’incarner et guérir le lieu mondifié, sont accomplies ainsi qu’il a esté dit des autres vlceres cauerneux.

QUATRIÈME TRAITÉ. — ULCÈRES

Cure ‘palliative de fistule. — Or quand la fistule est en tel lieu, qu’elle ne peut estre guerie, comme quand elle est aux membres nobles, ou voisins des nerfs et veines : ou si le malade est foible, et ne peut soustenir la peine : ou si estant craintif, encline plus à ce que le mal luy demeure : ou si dauanture, de la curation s’ensuiuroit pire maladie, comme de la fistule du boyau culier, excrétion inuolontaire de la fiente ; lors il est necessaire de la pallier, auec maniéré de viure, et purgation et diuersion de la matière à la partie moins noble. Et la nettoyer de la chair trompeuse, et onctueuse h Puis soit remplie d’exsiccatifs domestiques, et soit couuerte de Diapalma, ou de l’emplastre noir. Car elle demeurera long temps coye, pourueu seulement qu’elle soit préservée de l’eau ^ et de situation douloureuse, et mouuement pénible. Cette palliation met Auicenne, et Arnaud a discouru là-dessus quand il dit : Le conduit contre nature qui a jetté longuement, comme en fistules vieilles, ne peut estre bouché sans crainte de plus grand inconuenient, sinon que la rejettion accouslumée soit destournée aux parties voisines.

SIXIESME CHAPITRE

Bu chancre vlceré.

HANCRE vlceré est vlcere apparent rond, horrible, puant, auec gros bords, durs, et noüeux, renuersez, esleuez et cauerneux, ayant couleur liuide, et obscure, et à l’entour veines pleines de sang melancholique.

Il semble selon Auicenne, qu’il est appelé chancre, pour l’vne des deux choses, ou pour sa ténacité auec le membre, comme le chancre se tient fort à sa proye, ou pour la figure, car elle est ronde, et jette à l’entour des veines, qui sont comme les pieds du chancre : et est de couleur obscure, ainsi que le chancre Et Henric adjouste qu’il chemine en rongeant, comme ce poisson-là

Les especes, et différences des chancres sont prinses de trois choses : sçauoir est de l’essence du mal, de la matière dequoy ils sont faits, et de la nature du membre.