Et conchyliis... et myrrha confectis

3. « De lanugine ærundinis. » — Ms. Montp. : « on prent la module de rosel qui est dedans le rosel, »

DOCT. II, CH. IL — ULCÈRES DE LA FACE

Et si ces choses ne valent, vienne la troisiesme intention^ qui est de mortifier la fistule, laquelle (estant le pertuis élargi, et nous acertenez du fonds, ainsi qu’il a esté dit de la fistule en commun) est accomplie en deux maniérés : l’vne par incision, et cauterization : l’autre par corrosion.

Par incision, en cette sorte, que d’vne forte lancette, ou d’vn rasoir, soit tranché tout droit iusques au fonds, en s’esloignant du lachrymal tant qu’il sera possible. Et adonc soit remplie la playe de tentes, trempées en aulbin d’œuf. Lendemain en le pensant, qu’on regarde à l’os, et qu’il soit cauterizé selon la grandeur de sa corruption auec cautères clauals et ronds, en conlregardant l’œil auec vne cannule, comme fait Alcoatin, ou auec de la paste, comme lesus : ou auec vn cullier d’argent * ou d’arain, comme Théodore. Apres la cauterization, qu’on appaise la douleur, et sa brusleure : et que l’on procure la cheute de l’escharre, et l’exfoliation de l’os, comme il a esté dit au propos commun de fistule.

Par corrosion, on procédé en cette sorte : qu’on y mette vne tente teinte de quelque caustique et que l’œil soit auparauant muny des choses froides. •

Le premier moyen me plaist dauantage, et à Lanfranc : car par le cautère auec le fer on peut mieux mesurer, à ce qu’il ne s’approche de rompre le lachrymal, que auec le médicament.

Apres que la fistule sera mortifiée (ce que l’on cognoistra, ainsi qu’à esté dit cy-dessus), soit traitée et consolidée.

Quant à la maniéré de curer, en perçant d’vne alene ^ aux tuyaux des narilles, elle n’est point louée d’Heben Mesue, et ie n’y ay point trouué d’effect. Car assez tost apres, le pertuis de l’os se remplis!, et il n’y a rien qui puisse courir ou defluer aux narilles. Mais i’aime bien la deriuation de la matière aux tuyaux des narilles, laquelle Arnaud loue, auec des caputpurges.

Or, si ne s’y peut faire autre chose, qu’on la pallie, comme il a esté dit cy-dessus, et ce auec vn tel collyre loue de Théodore :

PR. climie lauée, et pierre sanguine lauée, de chacun deux drachmes : cendre de la fournaise en laquelle on purge Varain, trois drachmes : myrrhe, alo 'ês, memithe, saffran, opion, de chacun vne drachme : soient confits auec du vin, et qu’on l’applique auec blanc d’œuf.

1. Theodoric ne rappelle pas cuillier, ains instrument fait à la façon d’une demie coquille de noix, selon la grandeur de l’œil pour faire que l’œil soit pressé à l’autre costé comme il dit. (J).