Cum canna

QUATRIÈME TRAITÉ. — ULCÈRES

ment d’une rouelle d’oignon. Ou qu’on y mette dessus, auec vn drapeau ou cotton, de l’aloës succotrin destrempé en fiel de bœuf : ou selon Auicenne : PR. de la poulpe de colocynte^ trois drachmes : amandes ameresy quatre drachmes. Qu’on en fasse longues mesches qui soient tenues au fondement, et y soient de cinq en cinq heures.

Si l’oiiuerture en est tardiue, Arnaud conseille de saigner les veines qui apparoissent grosses sur le dos du pied : et qu’on tire de chacune trois onces de sang. Et si on ne le peut faire là, il conseille d’ouurir la basilique.

A seruir de rernede seulement, sont à propos les fomentations remollitiues, qui font desenfler doucement et insensiblement, en resoluant la superfluité du sang. Et ces fomentations sont faites (suiuant ledit Arnaud) par deux moyens : l’vn est que les médicaments cuils en quelque pot, soient mis sous vne selle percée, et le malade estant assis en cette chaire, la vapeur en sera receuê par le bas. L’autre moyen est, que les médicaments, auec l’eau de leur décoction soient mis dans vne terrine ou conque et qu’on s’assied là dessus. Ou bien que l’on plonge vne esponge en celte eau, et soit exprimée : ou qu’on en remplisse vn sac, et soit appliquée.

Les médicaments qu’on fera boüillir en l’eau, seront ceux-cy : PR, des feuilles de langue de chien ou de maulues, ou de guimaulue, deux manipuls : violettes, vn manipul ; melilot et paritoire, autant : fenugrec, demy Hure.

Rhasis loue à cecy l’oignon blanc, cuit et pilé auec beurre de vache, tant qu’il soit remolly, et qu’on l’applique tiede. Auicenne loué le melilot et les lentilles pelées, cuites et meslées auec vn moyeu d’œuf, et huile rosat. Et quelquefois (comme il dit) on y met du diachylon remolly auec huile rosat, ou graisse de canard, auec vn peu de saffran et d’opion.

Halyabbas fait cet emplastre : PR. de camomille, melilot, porreau commun, et racines de guimaulue, de chacun vn petit f aisseau. Et il ordonnne qu’estant pilez, soient forts cuits en eau, tant qu’ils se deffassent. Puis soient pilez dans vn mortier, et qu’on y mesle vn moyeu d’œuf : puis de la farine de fenugrec, semence de lin, et du hdellion eschauffé en graisse de geline, demy partie : meslez et pilez tout, et faites-en emplastre qui soit mol.

Rabby Moyse ordonne du beurre cuit, et escumé, agité au Soleil dans vn mortier de plomb, tant qu’il deuienne noir : et il est merueilleux (ainsi qu’il dit) à mitiguer la douleur, et il appelle cela suc de plomb. Et si on y mesloit de l’huile de chrysomeles ^ auquel on eust destrempé du

i. Les abricots sont nommés chrysomeles, qui signifie pommes d’or ou dorées. On les appelle aussi pommes Armeniaques. Auicenne - ordonne l’huile tirée de leurs noyaux, pour mitiguer la douleur des haemorrhoïdes. IjJ.)

DOCT. II, CH. \ll. — HÉMORRHOIDES

bdellion, il seroit agréable à Auicenne. Les graisses de poulie et de canard, sont permises de tous en ce cas.

Guillaume de Salicet dicte à cela vu tel vnguent : PR. huile rosat, quaù'e onces ‘ : ceruse, vne once : litharge, demy once : cire, deux drachmes : opion , vn scrupule : escorce de mandragore , demy drachme : soit fait vnguent.

A l’extremité, si la douleur est trop fascheuse, il faut secourir auec le médicament esprouué d’Alexandre, lequel m’a acquis beaucoup d’honneur aux tenesmes, et à toutes douleurs du fondement.

Lanfranc l’a trouué de mesmes, comme il dit : PR. de V encens, de la myrrhe, du lichyon et saffran, de chacun vne partie : opion, deux parties : soient pilez et confits auec vn moyeu d’œuf et muccillage de psyllion et huile rosat : qu’on les réduise en liniment, duquel on trempe la mesche, qui sera mis par dedans, et le plumaceau par dehors.

Quand la douleur est causée à raison de l’excrescence, si les hæmorroides sont vuales (lesquelles s’engendrent de la rétention du sang), lesdits remedes y profitent. S’elles sont verrucales, le moyeu d’œuf battu auec huile violât y sert en Esté, et en Hyuer, meslé auec huile d’amandes, ou beurre ou quelque muccillage. S’elles sont meurales, les dessiccatifs sans mordication y profitent, comme la poudre faite de feuille de tasse barbat, ou de plantain, ou des racines de cannes bruslées, y adjoustant de la ceruse et litharge. Et qui veut, de cecy mesme peut faire vn vnguent.

Mais és autres, et aussi en celles-cy n’estant point appaisées, il faut procéder à leur ablation. Toutesfois si elles sont vieilles, il faut qu’vne demeure tousiours ouuerte, à raison de l’enseignement dit. Ce qui peut conuenablement estre fait auec de l’aloës meslé auec vne figue appliqué là-dessus. Et auec ce, au régime doit tousiours estre sobriété. Et qu’on ne les oste pas toutes à la fois, mais successiuement.

Maistre Arnaud aime mieux qu’on les oste petit à petit auec -des corrosifs légers, tels que sont ceux qui ont la nature du sel, comme le sel gemme, et sel de hitre ® et la lie du vin bruslée, incorporez auec miel.

Quelques-vns, comme Rhasis, Auicenne et Halyabbas, commandent d’y mettre des médicaments acres, comme les trochiscs Diabardich (qui

1. La description de Guillaume est aucunement différente de cette-cy. Car Guy se contente quelquefois de prendre les principaux simples de la composition, et mesurer la dose de son propre aduis. (J.)

2. 1537, 1559 : k Sal nitri ». Joubert dit en ses notes : Sagimen vitri, qui est le sel de verre, dit des simples, axungia vitri, en vulgaire la graisse du verre. (J.)

QUATRIÈME TRAITÉ. — ULCÈRES

est du verd de gris) et Calidicon. Rogier y applique dessus vu vogaent ruptoire, auec vue capsule.

Il semble qu’il plaist mieux à Auicenne, et Albucasis, et Brun auec sa secte, qu’on les tranche auec vn fer chaud ou froid. Et s’elles estoient occultes, ils enseignent de les faire sortir auec vne ventouse, ou d’vn effort en s’exprimant ; puis de les prendre auec les doigts, ou auec vn drapeau, et les tenir iusques à tant que l’operation soit acheuée. Ils enseignent aussi, auec Maistre Arnaud, de les lier auec du fil, et continuellement les serrer, en sorte qu’elles tombent d’ellesmesmes.

Quand la douleur sera à cause de leur inflammation ; Adonc (selon Arnaud) il suffit qu’elles soient lauées auec eau tiede, cuite auec semences froides, concombre, courge et pourpier ; et soient oingtes d’aulbins d’œufs, et jus, ou eaux froides, et muccillage de psyllion : ou qu’elles soient engraissées auec du populeon, ou du cerat de Galen.

Quand la douleur aduient de la durté des excrements, qu’il vse de choses lenitiues, et qu’on luy donne à l’entrée de son disner, vne once de casse fistule. Et aussi qu’en l’acte d’aller à la selle, il plonge ces parties basses en l’eau de la décoction des mauluës ; et qu’on luy engraisse le fondement auec huile rosat tiede, et cela est esprouué.

Du fie qui est au fondement. Fies, atrices, et condylomes \ qui se font au cul, à la verge, et en la matrice : si ne sont guéris (ainsi que met Théodore) auec mille fueille et paritoire, pilez auec vn peu de sel, et appliquez tous les iours, qu’on les lie et tranche et brusle auec cautere actuel ou potentiel, comme il a esté dit des hæmorrhoïdes, et la douleur soit appaisée, comme on Fappaise en icelles.

1. Fie, est vne excressence molle et spongieuse, de couleur cendrée ou pale, grainée, et ayant vne petite queue menue, comme vne figue (dequoy elle a pris son nom), le plus souuent pendante entre les fesses. Quelquesfois elle rejette vn excrement blanchâtre. On n’en rencontre gueres de durs, et tels sont engendrez d’humeur melancholique, comme les autres sont de pituite crasse.

Atrice, est vne excressence en forme de meure, engendrée de cholere grossière, qui fait grand douleur. Il est rouge, tirant au violet, marqué de petites testes à la façon d’vne meure. Arnaud l’appelle Attrite, et le définit chair superflue, qui pend A l’entour du fondement.

Condylome est fait d’humeur gros et melancholique. C’est vne excressence de chair calleuse qui se prend le plus souuent au siégé, ou à l’entrée de i’amarry. Il est ainsi nommé, de ce qu’il fait eminence à mode d’vne jointure, qu’on nomme en •Grec Condyle. (J.)