Magister Americus de Alesto
DOCT. I, CH. v: — CHEÜTE, OFFENSION, EXTENSION, ETC.
Hures : encens et fenugrec, de chacun demy once : soit fait onguent, duquel aussi tous les iours il soit oingt.
Mais, si quelque lieu est notablement brisé, qu’on y mette par dessus de la farine de febues ‘ cuite auec oxyrnel, et le saffran en cecy est trèsbon ; ou de l’oxycroceon ou apostolicon, ou feuilles de sureau, hyebles, cyprès et tamaris, cuites et pilées auec du laict aigre, comme dit Auicenne.
Quelques-vns les enseuelissent dedans vn fumier chaud, et en suant là il leur profite : Halyabbas et Auicenne l’enueloppent d’vne peau de brebis de deux ans, chaude, fraichement escorchée, surpoudrée de sel menu : car parauanture si on les y laisse, ils sont guéris le second iour. Cela aussi tesmoigne Galen en l’onziesme des Medicamens.
Mais si l’offence est faite au ventre, Auicenne conseille l’emplastre qui est fait de grenades saunages, cuites auec du moust, auquel il soit meslé autant de labdane et roses : et de spic, mastic et eupatoire, la tierce part d’vne ; et huile de lys, tant qu’il en faudra, soit fait emplastre.
En Vextension les operateurs ont accoustumé, suiuant le conseil d’Halyabbas, le lieu estant premièrement reformé auec les mains ou les pieds, appliquer sur les lieux vn linceul de toile ® trempé en eau froide : Car il affermit le lieu, et quant la chaleur est confortée, ils suent et sont guéris. Et si cela ne profite, soient réduits à la cure susdite.
Or si quelqu’vn est tombé de haut lieu, et il en perd la parole, ou s’il parle, il resue il se faut douter que le cerueau ou quelque membre des principaux soit blessé. L’esprit clair demonstre la santé du cerueau, comme dit Rhasis. Toutesfois il faut premièrement examiner s’il est mort ou vif, en touchant le poulz, en l’appellant, luy tirant les poils et les narilles, en regardant les prunelles des yeux si elles bougent, en mettant vn floc de laine ou de cotton escharpy sur la bouche et narilles, et vne escuelle pleine d’eau sur la poictrine, si elle se meut ; en prouoquant l’esternuëment auec du poivre, de l’euphorbe, et semblables. Et s’il n’est mort, soit procédé à la cure en frottant les extrernitez auec du vinaigre, sel, et de la rhüe : en prouoquant l’esternuèment, et le flux de sang par les narilles auec soyes ou pailles. Et quand il aura aucunement repris vie, soient faits clysteres, saignée, et autres remedes dits cy-dessus. Et si le cerueau en est cause, qu’on cherche sa cure en la contusion de la teste, et ainsi des autres. Mais s’il est mort, ne le touche pas, ains fuist’en et le laisse en paix.
Si Vhomme est noyé, Halyabbas veut au sixiesme sermon de la seconde partie, qu’on le pende par les pieds la teste en bas, iusqu’à tant que l’eau
1. Les autres lisent, gu’on y mette par-dessus la feue cuite (édit, latines de 1499,
1539), ce qui peut aussi estre entendu de la farine. (J.) '
