SECONDE PARTIE

Des maladies des yeux, qui ifont este auparauant traitées.

Ks maux des yeux qui, suiuant Galen au Iroisiesme des Maladies et Symptômes, nuisent à l’acte de la veuë, selon les Oculistes ^ les vns sont communs à tout l’œil, comme apostemes, et enfleures, et mauuais mouuemens : les autres sont particuliers, comme les maladies des paupières et de ses tayes, humeurs et esprits. C’est ce que disoit Galen au quatriesme des Maladies et Symptômes ; Ez actes sensitifs (les yeux soient pour exemple) il y a triple différence de symptômes ; l’vne au premier ou principal organe, comme au crystalin malade : l’autre en la vertu sensitiue, qui descend du cerueau par le nerf optique : la Iroisiesme, aux parties qui aident, comme sont toutes les autres. Et il adjouste, en general, que de ces maladies, les vues sont complexionales, qui y sont comme en membres simples : les autres sont ën composition [ou composés], qui y sont comme en membres organiques : les autres communes qui se font en tous deux.

lacoit que ces maladies puissent estre en tous membres, toutefois pour la nature de l’œil, quand elles y aduiennent, elles reçoiuent quelque propriété, qui fait grande diuersilé en la curation. Et pource disoit lesus, qu’il y a des maladies ès yeux, qui sont moult conuenables et ressemblantes aux autres membres, comme males complexions solutions et apostemes : les autres sont propres, comme larmes, toilles, cataractes et semblables. Et de là procédé, qu’on a en diuerses façons dénombré les maladies des yeux. Car ledit lesus en compte nonante et deux : Auicenne, quarante et huit : Alcoatin, cinquante : Azaran, soixante : Acanamose de Baldac dit qu’il en a medeciné soixante et cinq, et atteste que Galen en a mis cent cinq : et Almansor soixante et cinq : Bien-venu et l’Espagnol " n’en ont guere traité. Or quelque grand nombre qu’il y en ait, nous ne parlerons icy que des plus manifestes, desquelles n’a esté dit auparauant és apostemes, playes et vlceres : et pour lesquelles on a communément recours au Chirurgien.