DOCT. II, CIL IL — DES MALADIES DES YEÜK
Des non manifestes qui sont occultes au sens, nous n’en loucherons gueres icy, d’autant que leur contemplation appartient à vne autre doctrine.
Les causes des maladies et symptômes des yeux (comme des autres membres selon plus ou moins) sont primitiues, et antecedentes, et conjointes. Galen en tout son troisiesme Dure des hiterieurs, ou des Lieux affligez, les appelloit Sympathies et Idiophaties, c’est à dire compassionales et propres. Compassionales, quand elles viennent d’vne autre partie : propres, quand elles sont d’vne cause propre à la partie mesme. Lesquelles causes sont engendrées d’humeurs (engendrez au corps par vn mauuais régime) et de la débilité des yeux, comme souuent a esté dit. Dequoy il appert qu’és maladies des yeux, il peut y auoir la chose qui fait, et la chose qui est faite comme il a esté auparauant déclaré en l’ophthalmie et ès autres apostemes.
Les signes des maladies apparentes des yeux, comme de tous autres maux apparents, sont assez manifestes ; mais ceux des occultes, ont besoin de grande recherche, au premier des Lieux affligez. Nous dironsles signes particulièrement cy-apres.
On mp-e quelles sont de difficile curation, parce que l’œil est de composition entrelacée, comme il a esté dit en l’anatomie, et outre ce, il est partie tres-sensible, au treizième de la Thérapeutique , les médicaments qui luy conuiennent sont de grand artifice, comme Galen enseigne au quatriesme du Miamir, et Acanamose en dit autant : et auec ce, plusieurs dispositions bien souuent se compliquent en vne, comme en rongne et au scbel. Or les multiplications des dispositions font la cure difficile, dit Galen au septiesme de la Thérapeutique.
La cure des maladies des yeux en general, a cinq intentions. La première gist en huict enseignemens vtiles à obseruer en la cure. La seconde, en la- matière antecedente engendrée, qu’elle soit vuidée. La troisiesme, en la maniéré dé viure, à ce que la matière péchante ne s’engendre plus. La quatriesme, en la matière conjointe, qu’elle soit extirpée. En la cinquiesme, és accidents, qu’ils soient appaisez.
Le premier enseignement de Xol première intention est, que quand mal de teste s’adjouste auec les maladies des yeux, et qu’il y a douleur ou fluxion, il faut premièrement appaiser>eux-cy, auant que l’on vienne à la curation des maux des yeux- Gela dit Auicenne et lesiis, et a esté dit és vlceres et ophthalmie.
Le second est de Galen, au treiziesme de la Thérapeutique, que nulle operation particulière soit faite és yeux, auant que le corps et la teste soient purgez et racoustrez. ^
1. Canappe dit : « es maladies des yeux peut eslre la matière antecedente et la. matière coniointe. »
SIXIÈME TRAITÉ. — MALADIES SPÉCIALES
Le troisiesme est, que toute operation particulière en l’œil, soit exercée le plus délicatement et sans douleur, qu’il sera possible. Et pource lesus commande que quand on ouure l’œil, la paupière soit doucement releuée, et qu’on ne la laisse soudain fermer, ains petit à petit. Et Albucasis, qu’on n’entreprenne d’operer en l’œil auquel y ait douleur ou austre fascherie, iusqu’à tant qu’elle soit appaisée, et puis retourne à l’operation, si besoing est.
Le quatriesme, que les operations soient faites en lieu clair, et non venteux : et que le patient demeure ferme, sur tout de la teste. Et pour ce Albucasis commande, qu’en toutes operations le patient soit dans un coin S ou entre les genouil's du Médecin, ou selon Halyabbas, sur vn banc à l’enuers. Et apres l’operation il doit estre mis reposer en lieu obscur, l’œil estant couuert d’vn talfetas noir.
Le cinquiesme, qu’és applications, il vaut mieux multiplier les fois, que la quantité, car la trop grande quantité alfoiblit la bonté des remedes, comme dit Aza ram.
Le sixième, que les médicaments des yeux soient bien purifiez, préparez, et extrêmement pilez et criblez, autrement ils greueroient plus que ne profiteroient, comme dit Acanam ose.
Le septiesme, qu’auant ^application des médicaments l’œil soit bien laué d’eau chaude, et bien essuyé, et soit nettoyé aiiec du cotton enueloppé à vn poinçon ou esprouuette.
Le huictiesme, que nul entreprenne ces operations, qui ne soit subtil et ingénieux, clair-voyant, et ayant les mains asseurées : et qu’il ait veu operer vn autre. Et qu’il ait des crochets, aiguilles, poinçons ou esprouuettes, ciseaux, spatules, lancettes, petits rasoirs ^ et bien polis : le tout au double, et au triple. Et que tousiours il ait prest le cotton, l’aulbin d’œuf et l’eau rose, et les drapeaux pour les bandelettes et ligatures. Car l’operation des yeux est particulière et non commune, ainsi que dit Guillaume de Salicet.
De la seconde, troisiesme et cinquiesme intention, il a esté assez dit és apostemes, vlceres et ophtbalmies. De la quatriesme, il en sera dit icy en suiuant chaque maladie.
Des maladies de tout l’œil, qui sont quatre en nombre :
