III. et de son opposite ^maigreur et amoindrissement

L’engrossissement et eminence des yeux, selon Auicenne, est faite en trois sortes : ou à cause de la grande enfleure, et repletion de quelque matière : ou à cause d’vne vehemente compression par dehors, que lesus appelle sutfocation ; comme il adulent quand le mal de teste est grand, et par le vomissement et le tenesme, et par les cris et trauaux de l’enfantement : ou à cause de la grand mollesse de ses muscles.

Et leur amoindrissement est fait des causes contraires, par les euacuatifs et consornptifs (comme en la fievre hectique, et en celles qui font veiller), ou pour les causes de tristesse ou pour commision.

La grosseur est guerie (apres le régime vniuersel de la diete et purgation, dite en l’ophthalmie, et frequente ventousation derrière le col) en liant l’œil d’vne bande, et drapeaux mouillez en sucs astringens : comme le jus des prunelles, et fueilles d’oliue, ou en Uniment fait d’acacie, aloës, encens et sarcocole, ainsi que dit Albucasis. Et vne lame de plomb, et les choses qui ont esté dites en l’éleuation de l’vuée, en traitant des vlceres des yeux, sont icy forts bons. Et lauer le visage auec eau salée froide, y profite beaucoup, comme dit lesus. Auicenne escrit que des medicamens qui profitent à la sortie et éminence de l’œil, est qu’on fasse vn emplastre auec farine de febues, roses, encens, et aulbins d’œufs. Il dit aussi, que les noyaux des dactes bruslez auec de l’espic, sont bons.

Quant à la maigreur^ et l’enfonceure des yeux, s’elle doit être guerie, le régime des hectics y profite. Et aussi de fomenter l’œil auec du laict tiede, et eau douce tiede, et oindre la teste auec huile violât. Item, frotter et emplastrer (en le pensant souuent) de l’amydon, saffran, et fleurs de violettes, auec du laict, et auec de la moüelle de bœuf, y profite grandement.