DOCT. II, CH. II. — CHEUTE ET RELAXATION DES PAUPIÈRES
forme selon luy est telle : PR. fleur de cuivre trois drachmes : colcotar bruslé % deux drachmes : arsenic rouge ^ vne drachme : baurac, pierre 'ponce ^ de chacun demy drachme : ammoniac dissould auec jus de rhuë, vne drachme et demie. Soit fait collyre.
Et s’ils ne guérissent ainsi les grains soient ratissez auec vn rasoir ou spatume rond, comme dit Rhasis : et qu’en apres on distille dans l’œil de l’eau auec vn peu de vinaigre, de l’eau de cumin masclié, afin que l’œil ne s’incarne : puis soit traité auec la poudre citrine, dite en l’ophthalmie : et pardessus soit emplastré en hyuer, d’amandes ameres, et en esté., auec moyeu d’œuf et huile violât. Et s’il y auoit chaleur, lesus veut qu’elle soit appaisée auec de la pierre sanguine, et non pas auec de l’amydon, ne auec des collyres hlancs : dequoy ie mesbahy assez.
F. De la cheute et relaxation des paupières
Relaxation des paupières, comme dit lesus, est allongissement des paupières supérieures., tant qu’elles ne se peuuent esleuer, et quelquesfois cela croist tant que elles se doublent, et les poils entrent dans l’œil, et le blessent.
La cause en est (comme il dit) l’abondance d’humidité, et bien souuent elle aduient (comme dit Alcoatin) de la lésion des muscles qui meuuent les paupières.
En sa curation y a double régime, l’vniuersel, et le particulier. L’vniuersel de la diette et euacuation, a esté dit cy-dessus au traité des apostemes. Le régime particulier est, que en la recente, comme dit lesus, il profite d’oindre les paupières auec ce qui desseiche et restreint > comme font memithe., aloës, saffran, acacie, myrrhe et son eau.
En Vantigue (ou en la nouuelle, si lesdites choses ne profitent) il faut operer, selon Alcoatin, en l’vne des quatre maniérés..
La première est, auec incision de la peau de la paupière, à la figure d’vne feuille de myrte, en telle quantité que la paupière soit suffisamment relouée, et se fait ainsi ; Qu’on la hausse auec les doigts, en prenant sa peau, et qu’on y fiche auec des aiguilles, trois, fils d’vne palme de long, ou auec vn crochet triple : et auec cela la peau soit suffisamment esleuée. Adonc soit coupée auec des ciseaux, et soudain cousue. Puis la cousture soit conseruée auec de la poudre rouge, blanc d’œuf, et bandage : et soit traité auec le diapalma comme les autres playes.
