Ad formam janae
SIXIÈME TRAITÉ. — MALADIES SPÉCIALES
ammoniac, ou auec fleur d’arain et vitriol, ou auec les trochiscs aldaron, ou calidicoQ. Et que l’on garde qu’aucun de ceux-cy ne descende en bas.
Et si elle ne peut estre guerie auec ceux-là, il n’y aura point d’excuse qu’on n’y opéré de la main, comme il dit aussi. Laquelle operation Albucasis met ainsf ; Il faut qu’on ouure la bouche du malade au Soleil, et que l’on contemple la ranule. Et si elle est noire ou brune, et dure, et sans sentiment, qu’on n’y touche pas, car elle est chancreuse. Mais si elle n’est telle , ains blanche et bien traitable , lors soit prise auec vn crochet, et trenchée auec vn spatume deslié, et en la descharnant de tous costés ^ soit arrachée. S’il y suruient du sang, soit abslergé auec vne esponge : et si besoin est, qu’on y mette du Zegi (qui est du vitriol), et qu’on quitte l’operation iusqu’à tant qu’il soit restreint. Et adonc si l’operation n’est coraplette, qu’on y retourne, tant qu’elle soit accomplie. Gela fait, il lauera auec du vinaigre durant vn iour ou deux, et puis (dit Guillaume de Salicet) il lauera de vin cuit auec de la myrrhe ^ iusqu’à ce qu’il soit guery.
Du spasme et filet qui contraint la langue.
Spasme est retirement et courbement de la langue vers sa racine, par lequel son action est empeschée.
Sa cause est, l’humidité qui remplit, ou la seicheresse qui inanit, ou le lien qui retire.
La cure d’humidité remplissante, gist en l’éuacuation vniuerselle et particulière. L’vniuerselle est faite auec pilules cochies : la particulière, auec des caputpurges, et masticatoires, et lauements de bouche, auec du calament, origan, moustarde, fenugrec, poivre, pyrethre, et autres qui seront dits incontinent en la paralysie. A quoy aussi il profite d’euaporer à la racine du col, auec tels que la camomille, le melilot, et le stœchas et l’aneth.
La cure de la seicheresse et inanition, est bonne humectation et réfection par louable nourriture, et-lauements temperez ® : et onctions du col et de la leste, auec huile de nénuphar et de violettes : et auec fomentation d’eau chaude, et du laict, et semblable.
La cure du filet ou lien qui retire la langue, se fait en le trenchant de trauers, tant que la langue soit desliée de ce qui la retenoit, comme dit Albucasis. Et qu’on y mette vne mesche par quelques iours aUec du
