DOCT. II, CH. IL — DE LA DOULEUR DES DENTS
De la douleur des dents.
SI la douleur est par communication d’autre membre, lors soit en premier lieu guery ce membre là. Et si elle est à cause de l’aposteme des genciues, la matière estant purgée et destournée, premièrement soit repoussée la matière chaude par froids et astringens, comme est (selon Heben Mesue) de tenir en la bouche de l’eau chaude, auec du vinaigre, ou d’eau rose, ou de plantain. Et si on y mettoit vn peu de camphre, il seroit meilleur : et à cette intention appartient, l’huile rosat, ou myrtin, ou l’omphacin tenu en la bouche. Passé le commencement, qu’on adjouste aux susdits quelques résolutifs, comme est le mastic et les raisins de caresme ^ Et si la douleur se rend plus vehemente, qu’on y adjouste vn peu d’opion, ou des autres narcotiques, si besoin est.
La cause estant froide, qu’on mette au commencement de l’huile rosat, auec du mastic : puis du vin aluminé, puis vne décoction d’hysop et de calament.
Mais si la matière tend à maturation, qu’elle soit aidée auec décoction desdits raisins, figues, semences de lin et de fenugrec. En apres l’aposteme soit ouuert, et mondifié auec du miel rosat et du vio, comme il a esté dit des vlceres de la bouche.
Mais si la cause est en la racine de la dent, en son nerf ou ligament, et qu’il y ait matière, la matière soit purgée et résolue auec les choses dittes et à dire, particulièrement la chaude, auec huile rosat, de camomille, et d’aneth : et la froide, auec huile de hen et nardin. Si elle est venteuse, soit dissipée auec décoction de cumin, et des hayes de laurier, semence de rhuë, galban, et serapin. Mais si la douleur est sans matière, qu’elle soit altérée, la chaude par les froids, et la froide par les chauds dits au commencement, et qu’on dira cy apres : et l’humide soit desseichée auec du sel et alun, et galles bruslées : et la seiche, 'humectée auec du beurre et graisse de belier. S’il n’y a remede auec lesdites choses, qu’on la cautérisé d’huile bouillant, en y plongeant vne esprouuette euuironnée de cotton ou linge, l’appliquant souuent à la dent. Ou soit cautérisée auec vn fer ardant, ou arrachée par instrumens.
Et pource que plusieurs mettent plusieurs medicamens pour les dents, ie raconteray auec distinction, ceux que i’ay plus esprouuez à seder la douleur par voye d’alteration et resolution : et les autres qui se font par voye de stupéfaction.
Les medicamens des dents selon Galen au cinquiesme du Miamir, soit qu’on vueille repousser ou résoudre, doiuent estre tres-forts. Et pource la pluspart d’iceux sont faits de très fort vinaigre. Et ne sert
