DOCT. II, CH. II. — DE LA. DENT ESBRANLÉE

le mette en la racine de la paume de la main, qui respond à la douleur, cela guérit la douleur, et cela est esprouué.

Auicenne permet le vinaigre cuit auec la colocynlhe, ou aristolochie, ou le pyrethre, asse puante, moustarde, escorces de câpres, escqrces de pin, mentaslre, nielle, sauoniere, et semblables, et d’appliquer sur la dent vn moyeu d’œuf rosty, chaud, et du pain chaud : et l’eau ardent en cela est ires bonne.

Et Auicenne loue vne éuaporation deux heures auant le repas, ou quatre heures apres, auec du sel et millet, ou auec huile chauffé, et d’eraplastrer de choses telles qu’est la maulue, aneth et camomille, semence de lin et de fenugrec. Il loue aussi les suffumigations auec graine de colocynthe, et graine de moustarde, et semence d'oignon et de rhuë, et semblables. Il accorde aussi auec Rhasis, de distiller en l’oreille qui répond à la douleur, quelque huile des sédatifs, comme est l’huile d’amandes, de sureau, de castorin, et semblables.

Quant aux médicaments stupefactifs, que l’on met en la grande nécessité, ils sont (suiuant la mesme intention d’ Auicenne) comme cettuy-cy : PR. semence d'hyoscyame blanc, opion, styrax, galban, de chacun deux drachmes : poivre, asse puante, de chacun vne drachme. Soient confits auec du vin cuit caillé ^ et soit mis sur la dent endolentie.

Ou que l’on prenne de l’opion, et du castorée, esgales parties : et soient destrempez auec huile rosat, et soit ietté dans l’oreille qui répond à la douleur. Ou que l’on tienne en la bouche du vin de la décoction de la racine de mandragore, ou d’hyoscyame. Et quelquefois on donne à boire des narcotics, comme le Philonium ^ ; ou qu’on le tienne à la bouche, afin qu’en dormant et reposant, le mal se meurisse. Aussi de tenir souuent de l’eau froide en la bouche, endort la douleur, comme dit Auicenne.

Be la dent esbranlée et affaiblie .

Qvelqvefois la dent branle par vne cause primitiue, de cheute ou coup ;

et quelquefois de cause antécédente, de l’humidité qui amollist^le nerf, et le ligament. Aucunesfois par seicheresse, et faute de nourriture : autresfois par corrosion et diminution de la chair des genciues. Celle qui est faite par seicheresse et faulte de nourriture, comme aux vieillards et aux phlhysiques, ne guérit point : aux autres, les resumptifs y aident, et auec ce il faut esuiter le mascher (principalement de chose dure) auec icelle dent, et parler moins : et qu’on no la touche, ne

I. Auicenae escrit auec le caillé du raisin, qui est le vin cuit, dit Joubert.

2. Philonium, ainsi appelé du médecin Philon (i®'' s. av. J. -G.), c’était un électuaire opiacé.

SIXIÈME TRAITÉ. — MALADIES SPÉCIALES

esmeuue ; et si c’est par corrosion, que l’on guérisse la corrosion.

En celle qui est aduenuê de cheute et coup, apres qu’on a saigné (comme aussi ayant purgé et vuidé l’humidité saliuale auec du mastic et pyrethre, quand cela adulent d’humidité remoilissante), Galen recite du conseil d’Archigene, qu’on mette à leur racine de l’alun, auec de l’encens, cannelle, et cyprès.

Rhasis ordonne cecy : PR. des balaustes, roses, gallie, souchet, sumac, de chacun vne partie : alun, demie partie. Qu’on en oigne ou frotte les genciues. Et en vn autre lieu il adjouste l’acacie, l’hypociste, les mirobolans, et commande les arrouser de vinaigre, et en faire des trocliiscs, et en frotter les racines des dents.

Si cela n’y sert de rien, soient liez d’vne chainette d’or auec les saines : comme dit Albucasis.

' Et s’ils tombent, qu’on y mette des dents d’vn autre, ou qu’on en forge d’os de vache, et soient liez finement, et on s’en sert long-temps.

De la pourriture, des vers, de corrosion et pertuisement des dents.

Elles ont double régime. L’vniuersel de la diette et purgation et confortation du cerneau, comme il a esté dit en la douleur. Le particulier qu’on les laue d’eau ardente, ou du vin boüilly auec les deux mentes, les deux sauges, les deux calamens et poivre ou pyrethre. Puis soit remplie de gallie et souchet, mastic, myrrhe, souphre et camphre, cire, ammoniac, asse puante \ et semblables.

Si ces choses n’y valent rien soit esbuschaillee ® auec vn ciseau et lime, et qu’on luy fasse vn passage, à ce que là viande ne s’arreste au trou. Et si cela n’y sert, soit cautérisée : et si besoin est, qu’on l’arrache : mais sagement, que le trou soit premièrement fort remply de linge ou de cotton : car autrement les tenailles la romproyent, et la racine y demeureroit.

Si dans le trou il y a vn ver, apres le susdit lauement, la dent soit suffumiguée auec graine de porreau et d’oignon, et semence d’hyosciarae, confits auec suif de bouc : et qu’on en face des pilules, chacune d’vue drachme, et qu’on y en employé vne à chaque fois.

De la limosité et laide couleur des dents.

SvpposÉ le régime vniuersel, qu’on laue la bouche de vin boüilly auec du mentastre, et du poivre. Et puis on vsera de ce médicament, en

1. Les autres lisent sel armoniae, les autres calame aromatic, mais ne l’vn, ne l’autre ' est dit à propos. Le lieu doit estre emendé sur Auicenne, qui ne fait mention que de l’ammoniac auec ceux de deuant. (J.)

2. « Buccelletur cum scalpro et lima », buccela, petite bouche.