DOCT. IT, CH. H. — DE ^ARRACHEMENT DES DENTS

maniéré de dentifrice : PR. os de seiche^ coquillettes blanches de me'r, porcelaines, pierre ponce, cornes bruslées, nitre, alun, sel gemme, souphre bruslé, racine d'iris, cV aristolochie , et de canne bruslée. Qii’on face poudre de tous ensemble, ou de chacun à part.

A mesme intention maistre Pierre ‘ faisoit vne eau esprouuée comme s’ensuit ; PR. du sel armoniac, et sel gemme, de chacun demie Hure : dalun saccharin, vn quarteron. Soient réduits en poudre, et mis dans^ vn alambic de verre : et en soit faite eau, de laquelle on frottera les dents auec vne piece d’escarlate.

Et si cela ne profite, à cause qu’il y a là des limositez endurcies : soient rasclées auec des râpes et spatumes

De Cendormement et congélation des dents

Qv’on tienne en la bouche du vin chaud, ou de l’eau ardente : ou que l’on frotte les dents auec du sel rosty ^ ; ou que l’on y applique des noix ou des auellines rosties toutes chaudes, et semblables choses qui eschauffent : ou que l’on masche de celles qui ont propriété à ch, comme le pourpier et sa semence.

De l'arrachement des dents.

Qvand tu auras fait ton possible (dit Albucasis) de remedier aux dents par inedicamens, et cela n’y sert point, asseure=toy de la dent doloreuse, afin que tu ne sois pas abusé, et que tu ne prennes la bonne pour mauuaise. Et lors ayant mis le patient en lieu clair entre tes genoüils, déchausse la racine de la dent tout à l’entour, et l’ébranle habilement et parfaitement, afin que n’aduienne au patient vne mauuaise maladie d’œil ou de l’os de la maschoire. Puis prens-la auec des tenailles, et l’arrache, et la tire auec ses racines. Et ce peuuent estre des tenailles semblables à celles desquelles on relie les tonneaux, ou arrache la auec vn esleuatoire simple, ou fourchu. Et s’il y demeure quelque racine, qu’on la recherche auec instrumens et qu’on l’arrache, et qu’en apres il laue la bouche auec du vin et du sel : et si tu veux y adjouster de l’alun, ou du vitriol, à cause du flux de sang, tu le peux faire. Et finalement soit incarnée la fente auec du vin, myrrhe et encens.

1. Joubert se doute, cetluy-cy estre Pierre surnommé de Bonant, lequel bien souuent il appelle simplement maistre Pierre. (J.)