DOCT. II, CH. IL ^ DES PASSIONS DE LA LUETTE

ol3

sion est dangereuse, sur tout quand elle est enflammée, et est toute esgale : parce que de son tranchement s’en ensuit sanie, ou flux de sang, qui peuuent estre cause de suffocation et mort. Mais quand elle deuient liuide et blanchit, et est inesgale, et sa racine deuient menue, et son extrémité grosse, adonc il n’y a pas si grande crainte de la couper. Toutesfois qu’on se garde bien, ainsi que dit Albucasis, qu’elle ne soit touchée du fer, si elle est noire, ou brune, dure et sans sentiment, car il y auroit danger pour le malade, que chancre ne suruint au lieu. Mais il est necessaire, quand elle est augmentée, et n’est guerie par médicament, qu’on la retranche, afin que la suffocation soudaine soit esuitée. Car de deux maux il faut choisir le moindre, comme disent les Philosophes, et a esté cy-dessus allégué des.vlceres de la verge, du quatriesme de la Thérapeutique : qui n’a qu’vne voye de salut, combien qu’elle soit deceuable, il faut, veuille ou non, qu’il passe par là. Toutesfois il est conseillé d’Halyabbas, qu’on ne la retranche pas toute : parce qu’il en aduiendroit grand mal au patient, touchant l’office de la poitrine. Car la luette sert à cinq choses, ainsi qu’il est dit au liure de la Voix^ et en l’vnziesme àQVVsage des parties.

A la curation de l’Vuule il y a double régime, l’vniuersel et le particulier. \dvniuersel de la diette, éuacuation et diuersion, a esté dit en la squinance. A quoy il faut adjouster, que pour desseicher la matière rhumatique, et releuer la luette, Rogier et ses maistres permettent que (sur tout aux enfans) on mette sur le mol de la teste, autant d’escarlate qu’vn denier est grand, en laquelle y ait vn peu de poix, encens et mastic. Pour les adultes, Heben Mesue conseille, que les poils leur soient tirez tant que la peau se séparé du crâne : ou que l’on face vn cautere au sommet de la teste, comme il a esté permis au rheume. Les femmes la releuent en poussant des mains sous le gosier.

Le régime particulier se fait en deux sortes : l’vne auec médicaments, l’autre auec instruments. Auec médicaments, quand la matière est chaude , Rhasis conseille, que Ion gargarise d’eau rose auec du vinaigre. Ou la haussant vn peu, on luy applique auec vn cuiller d’vne poudre faite de roses, sandals, balaustes, auec vn peu de camphre. Et quand la matière est froide, il commande gargarizer de l’almuri % et syrop aceteux, moustarde, sel ammoniac et alun. Rogier met de la canelle, du poivre, pyrethre, galles et balaustes.

Galen au sixiesme du Miamir, recite vn tres-bon médicament d’Asclepiade aux luettes relaxées, qui est : PR. des roses seiches, la mesure (Tvn manipul : spic celtique, auec la terre qui s'y tient, vne auti'e

1. Albucasis, en son liure intitulé Serviteur, enseigne la maniéré de faire l’almuri, c’est enuiron le milieu du liure. (J.)

Nicaise. — Guy de Chauliac.

oi4 SIXIÈME TRAITÉ. — MALADIES SPÉCIALES

mesure : du nid d'arondelle^ trois drachmes : myrrhe, huict drachmes : galles vertes, quinze en nombre. Qu’on les pile, et mette en poudre, laquelle on appliquera, la soufflant auec vne cannulle, ou l’y mettant auec les doigts, ou la cullier. Car ledit médicament a vertus meslées diaphoretique et repercussiue modérément, ainsi que là est déduit.

- A mesme intention valent plusieurs reraedes, qui sont dits en sqiiinance.

Quant aux instruments, l’vuule est coupée en trois maniérés. La première est selon Albucasis, que le malade soit assis douant le Médecin au Soleil, et que la bouche ouuerte, et là langue abbaissée auec vne palette propre à cela, l’vuule soit prise d’vn crochet. Et adonc auec des ciseaux mousses, ou auec vn spatume semblable à vne faucille, soit tranchée. Puis on luy donnera de l’eau et du vinaigre à gargariser. Et si on y mettoit des galles, alun, ou vitriol, à cause du sang, il seroit meilleur. Et si le sang estoit desmesuré, qu’on mette des ventouses derrière le col, ainsi que dit Auicenne, et qu’on lui donne des trochiscs de charabe S auec eau de plantain. Le malade soit gisant sur son visage, afin qu’il crache, et puisse rejetter le sang. Et s’il descend quelque peu de sang, soit traité de sa curation.

Secondement est tranchée auec vn fer chaud, et se fait ainsi, selon Heben Mesüe. Qu’on ait vne cannule, au bout de laquelle en l’vn des costez soit vne fenestre. Dans icelle on enferme l’vuule : puis par la cannule soit introduit vn fer chaud, fait à mode de ciseau ^ et soit tranchée en la cautérisant.

Tiercement est tranchée auec vn cautere potentiel, et se fait ainsi, selon Albucasis : que quand l’vuule sera comprise dans la fenestre de ladite canulle, qu’on y mette auec vne esprouuette (enueloppée deuers son bout de linge ou de cotton) de l’eau forte ; ou vn médicament aigu, fait de chaux et de sauon ; ou de l’arsenic destrempé auec quelque liqueur. Et soit tenu dessus l’vuule l’espace de demie heure, iusques à tant qu’elle soit altérée. Que puis il gargarise d’huile rosat ou de l’eau rose, car elle cherra dans trois iours, comme dit Auicenne. Mais qu’on garde bien que, rien des médicaments aigus descende en bas, et ne touche autres parties, car il leur nuiroit.

Et apres l’incision et la mordication soient guéris auec du vin, encens et myrrhe.

Albucasis assigne vne quatriesme maniéré, par suffumigation de vinaigre cuit auec du calament, hysop, rhuë, auronne et camomille, en vn pot couuert et lutté, au couuercle duquel soit appliquée ladite cannule