DOCT. II, CH. IL — REMÈDES AUX MALADIES DE LA FACE

SECOND CHAPITRE

Des remedes aux maladies de la face et de ses parties.

T premièrement pour la couperose, est loué l’onguent citrin de toute la communauté, en X Antidotaire.

Secondement est mis vn fard, à blanchir, et lauer la face, et est de Rhasis : PR. farine de ciches, de febues, d'orge, amandes pelées, et tragacanth, de chacun vne partie : semence de raifort, demie partie : soient mis en poudre, laquelle on destrempera auec du laict. On en oingt la face de nuict, et le matin est lauée d’eau de son.

Tiercement est mise vne eau precieuse, qui est française : PR. du tartre calciné, vne Hure : mastic, vne once : soient pestris auec aulbins d’œufs, soient mis dans vn alambic, pour en faire de l’eau, laquelle est precieuse.

Le laict virginal, à embellir et à desseicher les pustules virulentes, et à effacer pannes et lentilles, est ainsi fait : PR. litharge subtilement puluerisé, trois onces : vinaigre blanc très bon, demie liure. Soient bien meslez ensemble, puis on les laisse poser et en les distillant auec vne piece triangulaire de feultre ou auec vn sachet, qu’on en reçoiue l’eau. En apres, cette eau soit meslée auec eau de sel, faite d’vne once de sel bieu puluerisé, et demie liure d’eau de pluye, ou de fontaine. Ces deux eauxmeslées ensemble, et s’vnissant, deuiendront blanches comme laict. Frottez le lieu entaché auec vn tel laict, et vous en esmerueillerez. Plusieurs boùillent le litharge auec du vinaigre à part, les autres y adioustent vn peu de ceruse. Quelques-vns en lieu de sel commun, y mettent du sel gemme : les autres, de l’escume du nitre, quelques-vns de l’alun.

Consequerament on met les remedes pour les yeux. En premier lieu, est mise l’eau de maistre Pierre l’Espagnol, qui esclaircit et conforte la veiië : PR. fenouil, rhuë, chelidoine, veruaine, euphrase, clarete, roses (ou de leur eau), autant d’un que d'autre. Soient concassez, et trempez en vin blanc durant vn iour naturel : puis soient mis dans vn alembic et en soit fait de l’eau.

En second lieu, est mis le collyre blanc pour la douleur des yeux, et est de Galen : PR. la ceruse lauée, quatre drachmes : sarcocolle, trois drachmes : amydon, deux drachmes : tragacanth, vne drachme : opion, demy drachme. Que tout soit fort subtilement puluerisé, et auec