Rectum siue longum

DO CT. Il, CH. VI. — DU VENTRE ET DE SES PARTIES

qui est couuerte et munie de membranes et ligaments qui attachent les boyaux au dos : pleine de graisse, et de chair glanduleuse, vulgairement dict rodol, ou rouge, lequel tu verras séparé des boyaux, et l’ayant reietté, voy l’anatomie de l’eslomach.

h'estomach, ou ventre, est l’instrument de la première digestion, generatif du chyle. Et comme les Mesaraïques sont préparatoires de la digestion que faict le foye, ainsi la bouche est enuers l’estomach. Dont Auicenne dit, que la viande reçoit quelque digestion en la maschant A luy sert le Meri, ou Oesophage d’enhaut, pour luy amener les viandes ■ et les boyaux, auec les Mesaraïques pour reiettêr les matières nuisantes, et pour distribuer les vtiles en luy digerée, et reduictes en chyle. Car c’est comme quelque despence et gardemanger, commun à toutes les parties, constitué au milieu de l’animal, selon Galen au quatriesmç de rVsage, premier chapitre. Et combien qu’il soit logé au milieu soubs la poictrine, toutesfois sa partie supérieure décliné vn peu à gauche vers le douziesme vertebre, ou finist le diaphragme : et l’inferieure à dextre. Son action est de digerer, tant par la chaleur de la propre charnure de son fonds, comme dict Auicenne, que par les autres chaleurs acquises de ses voisins. Car il a le foye à dextre, qui presque de par dessus Feschauffe de ses lobes, comme doigts : et la ratte à senestre du trauers, auec la graisse, et les veines, qui outre ce, luy enuoye de l’humeur melancholique pour exciter Fappetit : et par dessus est le cœur, auec ses arteres le vinifiant ; et le cerveau, qui luy addresse vers la partie supérieure vn rameau des nerfs, pour sentir. Il a de la part du doz, la veine caue, et l’artere aorte qui descendent : et plusieurs liens par lesquels il est attaché aux vertebres des reins. Et ainsi sont descouuertes son action, sa situation, et sa colligeance, ou alliance.

Le nombre de ses parties, comme on a dict du Meri, est de deux tuniques : sçauoir est, la charnue par dehors, et la nerveuse par dedans : auec des filets, ou fibres de long pour attirer, de trauers pour retenir, et de large pour reiecter. Sa forme et figure est ronde longuette, à mode d’vne courge courbe, se courbant de telle sorte, que lesdits orifices sont plus hauts que son corps, à ce qu’il n’advienne sortie improuiste des choses contenues.

Sa grandeur est manifeste : communément il tient deux ou trois pintes de vin. Il peut endurer plusieurs maladies ; à la curation desquelles sert l’anatomie. Car les remedes peuuent servir, et profiter à sa partie supérieure, estans appliquez deuers la douziesme vertebre, et de par deuant, depuis la forcelle, iusques auprès du nombril.

Consequemment il faut traiter du foye. Le foye est instrument de la seconde digestion, generatif du sang, colloqué au cousté droict sous les costes fausses. Il a forme de Lune, bossu vers les costes, enfoncé deuers

PREMIER TRAITÉ. — ANATOMIE

l’estomach, auec cinq penons, ou lobes en façon de main, comprenant l’estomach par dessus. Le foye comme les autres entrailles, a vn pannicule qui le couure, auquel paruient vn petit nerf, pour luy donner sentiment. Il est attaché auec son dict pannicule au diaphragme (et par conséquent aux parties supérieures) de forts liens : et au dos, et à l’estomach, et aux boyaux : ayant alliance auec lesdites parties, et avec le cœur, et les rognons, et aussi auec les testicules, et auec tous les membres.

Sa substance est rouge charnue comme si c’estoit sang caillé, semé par tout de veines, et artères, ainsi que nous dirons. Or combien que le foye soit composé de plusieurs particules, toutesfois il a vne simple (c’est à sçauoir sa chair) par laquelle il est principe de la sanguification, et des veines. Car comme dit Galen au second des Vertus naturelles^ penultiesme chapitre, et au quatriesme de l'Vsage, troisiesme chapitre : tout ainsi que du moust, par son ébullition dans le vaisseau, se font trois substances, ainsi du chyle par décoction dans le foye se font trois substances : sçauoir est deux superfluitez et vne naturelle substance, auec aquosité, commune aux autres humeurs. La masse sanguinaire (ainsi dicte par nostre Eschole commune) contient en soy quatre substances naturelles et nourrissantes ; comme il a esté demonstré parfaitement au second des Élemens. Ces humeurs donc, qui (comme dict est) s’engendrent du chyle au foye, sont doubles : les vns sont naturels, ainsi dicts de la naturalité de nutrition \ les autres non naturels.

Les naturels sont enuoyez auec le sang, pour engendrer, et nourrir tout le corps. Les non naturels sont séquestrez, et enuoyez aux lieux destinez, pour quelques aydes; ou sont reiettez du corps. Ils sont enuoyez, comme la cholere à la vescie du fiel, la melancholie à la ratte, le phlegme aux ioinctures, la superfluité aigueuse ^ aux rognons, et à la vescie. Ceux qui sont feiettés du corps, ils vont avec le sang ®, et quelquefois se pourrissent, et causent tièures : quelques-vhs sont poussez iusques au cuir, et se resoluent insensiblement, ou sensiblement par sueur, ou par rogne, ou par pustules, ou apostemes. Doncques il y a quatre humeurs naturels, et quatre non naturels, et les aquositez, qui ont esté appeliez des anciens, sang, phlegme, cholere, et melancholie : lesquels engendrez dans le foye, sont distribuez en ceste maniéré.

De la partie enfoncée du foye sort une veine, qu’on nomme Porte :

■ 1. Ms. de Montp. : « Qui vieunent de droite nutrition naturelle ».