LE PREMIER MORT

Se nous vous aporlons nouuelles

Qui ne soyent bonnes ou belles :

A plaisance eu a desplaisance

Prendre vous fault en pacience

Car estre ne peut autrement.

Beaux amis tout premièrement

Non obstant quelconque richesse

Puissance, honneur, force ou jeunesse :

Nous vous dénonçons tout de voir

Qu'il vous conuient mort recepuoir

Onc mort las, si douloureuse

Si amère, si angoisseuse

Que les mors qui en sont deliure

Ne vouldroient jamais reuiure

Pour mourir encor de tel mort.

En après quant vous serés mort

Tout ainsi que pouures truans

Vous serés hydeux et puans.

Des nostres, et de nos liurées,

Et vos ames seront liurées

Je n'en dis plus mais, c'est du pire.

Il me souffrist assez de dire

De vos meschans corps la misère

Qui ne sont pas d'autre malère,

Saichés le de vray que nous somes :

Na guère estions puissans hommes

Or sommes telz com nous veez

Se vous voulés cy pourvéez.

Et bien y deuez pourueoir,

Quant en nous vous pouez veoir

Comme de vous il aduiendra

Et quel loyer mort vous rendra.

Car vos .corps qui sont plains d'ordure

Aller fera a pourriture.

Telz comme vous un temps nous fumes

Telz serez vous comme nous sommes.