LE TIERS MORT

0 folle gent mal aduisée Que je voy ainsi desguisée.

De diuers habitz et de robes Et d'autres choses que tu robes.

Ta puante charongne a vers Et prens de tort et de trauers.

Ne il ne te chault dont ce viengne.

Fors que ton estât se maintiegne.

Quant je congnois tes faulx délitz Les grans excès les grans oultrages Dont ceux qui font les labourages Aux champs et pour toy se travaillent.

Tous nuz, de fain crient et baillent Quant je voy tel gouuernement.

Je doubte que soubdainement Telle vengeance ne s'en face.

Que tu n'auras ne temps n'espace Seulement de crier mercy.

Guydés vous tousjours régner cy.

Folz meschans de maie heure nez Qui en tel point vous démenez, Nennil, nennil, vous y mourrez.

Faictes du pis que vous pourrez Lors aurez pardurable vie.

Bonne ou maie n'en doublez mie :

Dieu est justes il paiera Selon ce que chascun fera.

Faictes des biens^n'atendez pas Que ceulx après vostre trespas Pour vous en facent quauiés chier.

Qui ne vous vouldroit approchier.

En la terre vous porteront Et tost après vous obliront.

Et teiz cuidez vos bons amis Qui sont vos plus grans ennemis.